بدي الكل يضحك ويفرفش يلا ....

من طرف **sunset** السبت سبتمبر 19, 2009 12:26 am

حمصي طلبو منو شي يثبت ملكيته للبيت عطاهم صورتوا وهو واقف جنب الباب

========

اهبل تصور بجنب حمار وبعتا لا اهلو قلون شوفوني انا الي على اليمين

=========

سال الاستاذ الطالب مين من الحيوانات الي بصحينا على صلاة الصبح ؟

رد الطالب : البابا

=============

حمصي ماشي بالشارع، قام شاف حيط عليه لوحة مكتوب عليها: "احذر الدهان"
قام وقف وصفن شوي وفكر، وقال: آه ... أزرق.

حمصي شك في زوجته فاشترى رشاش وتخبى تحت التخت.

ويوم دخل صاحبها طلع له من تحت التخت، وقال: أنا مااشتريت هالرشاش بالف دولار إلا لك ولأشكالك!

قاله الصاحب: تبيعه بالفين؟

رد الحمصي: توكلنا على الله.

شرطي حمصي مسك ارهابي ونزل فيه ضرب ويقللو: اعترف كم مرة فجرت نفسك!!

يقال أن أحدى الحدائق السعودية أحضرت نمر من دولة أفريقية.

ففرح النمر وقال: آخ رح أشبع من الكبسة واللحم والمحاشي!!

في اليوم الأول أحضر الحارس للنمر الطعام، فرمى له في القفص موز.

في اليوم الثاني فعل نفس الشيء ورما له الموز على العشاء أيضاً.

إستغرب النمر من ذلك التصرف وفي اليوم الثالث مسك النمر الحارس وقال له: أنا ايش؟

رد الحارس: نمر

طيب ويش يآكل النمر؟

رد الحارس: لحم

طيب وين اللحم؟ ليش عمبتجبلي موز؟؟؟

رد الحارس: أنت جاي بفيزة قرد !!!

من طرف **hadideeb** الأحد سبتمبر 20, 2009 5:50 pm

سال الاستاذ الطالب مين من الحيوانات الي بصحينا على صلاة الصبح ؟

رد الطالب : البابا

_____________

يحرق حريشك اي مو بس ضحكت والله طقت مرارتي وضحكت من قلبي

بس على فكرة معظم الحالات الماما هي اللي بتفيق اول

هههههههه

تقبلي مروري مع ضحكة عالية من القلب

من طرف **chegevara** الأحد سبتمبر 20, 2009 7:29 pm

عجبك يا هادي
بس من وين بتجيب ها الحكي ها السونسيت ماني عارف
منك لله يا سونسيت
ربي يخليكي زخر لهذا المنتدى

من طرف **sunset** الأحد سبتمبر 20, 2009 11:29 pm

hadideeb كتب:سال الاستاذ الطالب مين من الحيوانات الي بصحينا على صلاة الصبح ؟

رد الطالب : البابا

_____________

يحرق حريشك اي مو بس ضحكت والله طقت مرارتي وضحكت من قلبي

بس على فكرة معظم الحالات الماما هي اللي بتفيق اول

هههههههه

تقبلي مروري مع ضحكة عالية من القلب

دخيل الله دير بالك على مرارتك هادي مو وقتها هلة

بعدين شو الماما ولة البابا يلا مابنختلف

اي انا بنزل النكت مشان نضحك شوي بس مابدي تطق المرارة لا لا حلفنا هادي

الضحك عل الخفيف بس ههههههه

تسلم لمرورك الحلو

من طرف **sunset** الأحد سبتمبر 20, 2009 11:31 pm

chegevara كتب:عجبك يا هادي
بس من وين بتجيب ها الحكي ها السونسيت ماني عارف
منك لله يا سونسيت
ربي يخليكي زخر لهذا المنتدى

والله ياصديقي غيفارا بجيب الحكي بس مشان تضحكوا وتفرفشوا

والمهم انهم عجبوكم وانبسطوا وبدي كتر منهم خلص بس الله يوفقك انتبه على مرارتك امسكها منيح وقت الضحك

هلة مووووقتها ... منور غيفارا الصفحة شكرا لمرورك الحلو

من طرف **hadideeb** الإثنين سبتمبر 21, 2009 6:17 pm

واعيني سونسيت ولك الله يخليك

فعلا متل ما قالي اخونا غيفارا

زخرا لنا وللمنتدى

نور المنتدى

من طرف **chegevara** الإثنين سبتمبر 21, 2009 7:59 pm

ياعمي ليش مين عم يضحك من قلب بها الايام يا سونسيت
نحنا منشكرك لانو عم يرتاح احساسنا بهيك شي
بس وين الضحكة الحقيقية يلي كنا نضحكها
ياريت نرجع اطفال همنا على قدنا وضحكتنا اكبر مننا
وقتها رح نضحك بدون هم
شكرا الك يا سونسيت

من طرف **sunset** الأربعاء سبتمبر 23, 2009 1:09 am

يالله شبك ياغيفارا وللو حامل السلم بالعرض لا بدك قعدة غيفارا

بدي قلك شغلة قةلتك هدول الاطفال الي عم تحكي عنهم قولتك عم يحسوا بطفولتن خاصة بهل الوقت وبهل الزمن كيف بدنا نرجع اطفال اذا الاطفال نفسن ماحاسين بقيمة طفولتن راحت ايام الطفولة الي عم تحلم بيها غيفارا هلة كل طفل بيسألك سؤال وعندوا طلبات وتطلبات بتفلج الله وكيلك بدي ياك تضحك من قلبك وتحس انو الايام حلوة ممكن غيفارا تضحك وتسعد بأيامك

بتمنالك السعادة وكل الخير

من طرف **chegevara** الأربعاء سبتمبر 23, 2009 9:57 pm

مارح نقدر نغوص بهيك نقاش هو يا سونسيت
بس بجد اشكرك على اصرارك على حب الحياة
لانو على مايبدو انت فهمتي كلامي مليح
وحسيتي بالشي يلي تاعبني وتاعب كتيرين غيري
رغم انو في ناس عم نشوفها ونحكي معها كل يوم وعاجزين يفهموا
شكرا الك يا سونسيت
بجد شكرا الك
وربي يكون معكن ويوقف لجانبك
لانو ماحدا بيحس بالنار غير المحروق منها
انتبهي على حالك ياصديقتي الغالية

من طرف **sunset** الجمعة سبتمبر 25, 2009 12:19 am

وانت كمان انتبه على حالك منيح

وهونها بتهون وعد للعشرة ياغيفارا احيانا بعد للمية ولول غيفارا

مسة السلامة بتنور الصفحة اخ وصديق عزيز

شكرا غيفار

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي