مساء الخير اعضائنا الغالين على جبتلكم نكت يارب تعجبكم

من طرف **santy** الخميس يونيو 25, 2009 1:02 am

جيبتلكم حبة نكت يارب تعجبكم

واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

===========================================================
مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقوله يا استاذ رحلة الكويت هتطلع, فرد علية وقاله ياعم دول طالعين رحلة انا طالع شغل

=================================================================

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

================================================================

مره واحد سرق فرخة وراح عند البحر نضفها واكلها جه الضابط وقاله انت سرقت الفرخه ؟؟ قاله لاء يا باشا قاله الضابط والريش ده ايه؟ قاله دي نزلت تعوم وقالتلي اخلي بالي من الهدوم

==============================================================

واحد باشا الزمن دار عليه وافتقر حب يشتغل اشتغل بتاع فجل وجرجير

وقف فى السوق وهو لابس الطربوش وبيقول فجل يا حوش جرجير يا كلاب

=================================================================

فى يوم المراة العالمى اجتمع 3 ستات واحدة امريكية والتانية فرنسية والتالتة صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة ..

بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية

===============================================================

مسطول ماشى فى الشارع لقى عمود نور مكتوب عليه شقة للايجار قعد يخبط على العمود لغاية لما جاله مسطول تانى قال له انت بتعمل ايه هنا قال له اصلي لقيت مكتوب شقة للايجار قمت قعدت اخبط بس محدش رد عليا قام التانى قال له غريبة مع ان الجماعة منورين النور فوق

================================================================

مره واحد بيسال خطيبته حبيبتي كام واحد لمسك قبلي فسكتت

قلها مالك يا حبيبتي انتي زعلتي مني ؟؟
قلتلو لاء بس بعدهم

================================================================

مرة اتنين خارجين من خمارة واحد بيقول للتانى انا عايز العب كورة فصاحبه قاله مفيش كورة فقاله خلاص أول

واحد هيخرج من الخمارة نقطع راسه ونلعب بيها فخرج واحد سكران اكتر منهم فقالولوا هنقطع راسك ونلعب بيها كورة إيه رأئيك؟ فقام مطلع مسدس وقال اى واحد هيجى جنب الكورة هفرقعها

================================================================
--------------------------------------------------------------------

يارب اجعلنى عندك من خير الناس ... وعند الناس واحد من الناس ... وفى نفسي أقل من الناس

--------------------------------------------------------------------

من طرف **hadideeb** الخميس يونيو 25, 2009 1:15 am

مسطول ماشى فى الشارع لقى عمود نور مكتوب عليه شقة للايجار قعد يخبط على العمود لغاية لما جاله مسطول تانى قال له انت بتعمل ايه هنا قال له اصلي لقيت مكتوب شقة للايجار قمت قعدت اخبط بس محدش رد عليا قام التانى قال له غريبة مع ان الجماعة منورين النور فوق

اضحك من قلبك مع سانتي
يا غالية
:D

شكرا لك
تقبلي مروري مع فائق ودي وتقديري لك