قصة واقعية صارت فى الكويت*****

من طرف ???? الثلاثاء مايو 04, 2010 2:49 am

السلام عليكم ورحمة الله وبركاته[ندعوك للتسجيل في المنتدى أو التعريف بنفسك لمعاينة هذه الصورة]
مساااااااااااااء الخير
شلونكم وشخباركم

قصة واقعية .. طبعا كل من يدش النت في الوقت الحالي وهاذي بداية القصة الي دارت بين دانه و احمد .

يوم اليمعه , على الساعة 11 باليل دانه كانت متملله حيل من قعدت البيت , قالت أدش الايرسي أغير جو ,

دشت ولا يدش عليها احمد أبرايفت . و اقعدو يسولفون لما وي الفير , وعقب الحوار الي دار بينهم كل واحد

ضاف الثاني على الماسنجر و صارلهم تقريبا فوق ال 6 اشهر مع بعض , و في يوم من الأيام طلب احمد من

دانه إنها تتصل عليه طبعا اهوو كان خايف من ردت فعلها , اهيي كانت متوتره و متردده من هالشي الي راح

اتسوي لأنها عمرها ما كلمت اصبي في التليفون و هاذي التجربة الأولى حقها .. و عقب تفافهم طويل وقرار

صارم اتصلت دانه على احمد و كانت فرحة احمد طاقية عليه لأنه من كل قلبة معجب أب دانه , و استمر حاورهم

في التليفون لما شق النور و اطلعت الشمس , و كل يوم صاروا يسولفون مع بعض لما كل من حب الثاني . ويه

اليوم الي لازم يشوفون بعض فيه , و كان هذا اليوم الاثنين في حديقة جمال عبد الناصر ( الروضة ) على

الساعة 8 بليل , دانه اطلبت من وحده من صديقاتها تيي معاها و طبعا اكشخت و تزينت و راحت الحديقة فعلا

و في الوقت نفسه كان احمد في محل الورد يشتري أحلى بوكية حق حبيبته الي كان متمني شوفتها , دانه

أوصلت الحديقة و كانت قاعدة اهيي و رفيجتها على الكرسي .. دق احمد على دانه و دار الحوار التالي بينهم :

أحمد : مساء الورد يا أحلى دانه في الدنيا

دانه : اهلين مساء النور و السرور مع ضحكه خفيفة (إحراج)

احمد : شلونج حبيبتي ؟

دانه : بخير ما دامك بخير \ احمد : دوووم انشاالله مو يوم حبيبتي وينج فيه ؟

دانه : في الحديقة / احمد : حتى أنا بس أنتي وينج ما شفتج ؟

دانه : ما راح أقولك وين بخلي قلبك يكون دليلك

احمد : ههههه , راح أصيدج أصيدج

احمد : أقوول دانه من ابعيد قاعد أشوف شي و ماني قادر أميز الي قاعد أشوفها ابنيه ولا ورده الحديقة ؟؟

دانه : ( و اهيي منحرجة ) ما ادري ؟؟

احمد : أنتي لابسه وردي ؟؟ \ دانه : أي و اهيي تضحك واهيي منحرجه

احمد : مو اقولج صدتج , كاني الحين ياي لج باي \ دانه : باي

دانه في هالوقت كل خطوه قاعد يخطيها احمد دانه قاعد اتزيد دقات قلبها … قرب احمد منها و كان معاه رفيجه المشلول ( جاسم ) على الكرسي المتحرك .. وهمس حق دانه قوه وقدم لها بوكيه الورد الجوري , و كان منبهر من جمال دانه الموطبيعي .. دانه : هلا والله

, الله يقويك مشكور على الورد و ابنفس الوقت سلم جاسم على دانه و رفيجتها , و عقب ربع ساعه من قعدتهم مع بعض استأذن جاسم مع رفيجت دانه و خلة احمد و دانه يقعدون مع بعض و ياخذون راحتهم .

وكان احمد و دانه أحلى اثنين في الحديقة و قعدو يسولفون و يضحكون وكان يراقبهم جاسم من ابعيد اهوو مع سارة رفيجت دانه .

وبعد سنه من العلاقة الي دارت بينهم , في يوم طلبت أحمد من دانه طلب غريب اشوي ؟؟!! و قالها : عمري بغيت منج طلب صغير بس لا تفهميني غلط

دانه : حبيبي أنت أتآمر مو تطلب لو تبي عيوني ما تغلى عليك ..

احمد : تسلمين حبيبتي و تسلم عيونج , حبيبتي بغيت رقم رفيجتج سارة .

دانه : واهي متعجبة !! شنو رقم سارة ؟؟ ليش اشتبي منها ؟؟

احمد : حبيبتي اعصابج اعصابج , ما آبي منها شي هونت خلاص

دانه : قووولي ليش تبي سارة !؟ ( و الفضول كان ماكل قلبها )

احمد : بغيتها اتساعدني ابمفاجأة بسويها حقج , بس أنتي ما تبين هالموفاجأة ؟! / دانه : و اهيي تضحك ( وابنفس الوقت تطمنت )

دام فيها مفاجأة حقي خلاص أعطيك رقمها بس عقب ما استأذن منها .

وفعلا استأذنت من سارة و عطت الرقم حق احمد , بس دانه بينها و بين نفسها محتارة شنو راح اتكون هالمفاجأه ؟؟! و اقعدت اتفكر واايد و كل اشوي تتصل على سارة تسألها احمد شنو قالج ؟ بس سارة احلفت انه احمد بعد ما قالها شي . و هالشي حير دانه واايد واايد .

وعقب يومين من سالفة المفاجأة دق احمد على سارة وطلب انه يبي يشوفها ابسرع وقت . تواعدوا يشوفون بعض في كافية بليلى قالاري, سارة كانت قاعدة في الكافية تنطر احمد , وعقب 10 دقايق أسمعت صوت من وراها: قوه سارة , التفت سارة و اهيي مندهشة !! هلا الله يقويك جاسم . جاسم : سامحيني تأخرت اشوي وكان قاعد على كرسي المتحرك , سارة : لا عادي بس أنت اشيايبك وين احمد عيل ؟؟

طالعها وسكت مده , ولا يقولها احمد ؟ أنا على شان جذي ييت أكلمج ابموضوع احمد .

سارة : خير انشاالله ,خرعتني احمد فيه شي ؟؟

جاسم : لا ابد مافيه إلا العافية بس أنتي سمعيني عدل بالموضوع الي بكلمج فيه أتمنى ما تفهميني غلط بس عقب ما اطلبلج العصير .

المهم اطلبوا العصير , جاسم : سارة أنا الي اعرفه أنتي صديقت دانه الروح بالروح و آنا اليوم تعنيت على شان بكلمج ابموضوع يخصني و يخص دانه ابنفس الوقت .

سارة : بس أنت شنو على علاقتك اب دانه اذا أنت رفيج احمد ومالك شغل اب دانه ؟

جاسم : و الدمعة محبوسة ابعينه , سارة شفتي الإنسان الي حبته دانه وضحت على شانه والي ما تقدر أتعيش يوم من غير لا تسمع صوته هذا أنا مو احمد .

سارة : أطالعه بنظرة تعجب شنو ؟ أنت اشقاعد أتقول شنو هالحجي الي ما يدش العقل

جاسم : و دمعة على خده سارة هذا الواقع , و هذا السر الي كنت خاشه عن الكل و الي كان بيني وبين احمد رفيجي , اهوو الي كان يشوفها و أنا الي كنت اكلمها في النت و التليفون .

سارة : أنت اشلون قدرت اتسوي جذي ابرفيجتي ما تدري إنها أتحبك و أتموت فيك

جاسم : ادري و الله ادري , اني غلطان بس آنا ما سويت هالشي متعمد اني أأذي دانه و آنا كنت خايف أقولها هالشي من أول يوم عرفتها فيه بس ما أبى اخسرها . وكنت أخلي احمد يشوفها بالحديقة

جدام عيني و أكون املقنه كل كلمة يقولها حقها و اهوو امشغل موبايله و أنا حاط الهاند فري و اسمع كل شي بينهم ( و الدموع أتسيل على خده )

سارة : ( متقطع قلبها ) و ساكتة تسمع

جاسم : سارة أنا كنت إنسان طبيعي حالي حال كل البشر ودي احب و مارس حياتي الطبيعية مثل غيري , بس القدر اهوو الي سوها فيني جذي , وكنت لاعب كرت قدم ابنادي القادسية بس حادث سيارة اهوو الي شلني و سوالي هالعاها ورحت امكان وايد حق العلاج بس الله كريم

سارة : (الصدمة كانت عليها قوية و ما كانت اتعرف اترد على كلام جاسم بس بالدموع الي غرقت عينها )

جاسم : ( يكمل كلامة ) سارة أبيج اتساعديني , أنا بقول حق دانه بس ماني عارف اشلون أفاتحا بالموضوع , و السبوع الياي بسافر بروح الجيك لأنه اهوو أملي الوحيد .

سارة : جاسم انت صدمتني ابكل كلمة قلتها حقي , أنا أحاول اسوي كل الي اقدر عليه و أنا بفهم دانه كل شي انشاالله , و أتمنى إنها تتقبل .

جاسم : أنا معتمد عليج و على الله سبحانه و مشكورة واايد إنج سمعتي لي .

عقب أرجعت سارة البيت و كان ضايق خلقها وايد من السالفة و محتارة اشلون اتفاتح دانه , راحت صلت اطلبت من الله انه يصبر دانه و عقب دقت سارة على دانه و كان الخوف مالي قلبها . فاتحتها بالموضوع و قالت لها القصة من البداية لما النهاية .. و كانت النتيجة و ردت فعل دانه التالي : دقت على جاسم الي كان ممثل دور احمد , وكانت منهارا من البجي , اسمعني يا الحقير أنت أحقر إنسان شفته

ابحياتي و أنا مستانسة انك مشلول , و انشاالله ما تشافه و تقعد طوول عمرك جذي لأنك تستاهل و عساك اب هالحال ورده , أنت جرحتني و خدعتني خليتني أحبك و انت ما تستاهل ربع هالحب مو ناقص الا أكلم معوقين بعد ..( وتسكر التليفون في وي جاسم )

جاسم : انهار من الصدمة و صار مثل الياهل الي ما يقدر يسكت من البجي . يه وقت سفرت العلاج , بالمطار دق جاسم على دانه واهوو كان يقول ابقلبه دانه اتحبني و أكيد بتسامحني . دق ولا دانه ابكل عصبية ويعه اشتبي داق . جاسم : دانه أنا بسافر وحبيت أسلم عليج

دانه : روحه بلا رده بالي ما يحفظك و انشاالله أطيح الطيارة و اففتك منك . ( و تسكر التليفون )

جاسم : صكت الدنيا فيه اكثر و ضاع الأمل منه . وصل الجيك وصار يعالج اهناك و سوه اكثر من عملية و قعد اهناك تقريبا سنه و نص وكان يدق على دانه بس كانت ما تعطيه وي لما باعت رقم موبايلها .

رجع جاسم الكويت بعد فترة العلاج و أول شي سواه دق على سارة , لدرجت انه سارة ما عرفته في البداية و سأل عن اخبار دانه والي اعرفه منها انها مرتبطة ابشخص واهني تسكرت كل الأبواب أبوي جاسم بس طلب من سارة انه يبي يشوف دانه حتى لو من بعيد . قالت له سارة ما أوعدك بس أحاول انشاالله . عقب سارة واعدت جاسم في منتزه الخيران وكانت دانه معاها . وفي صالة المارينا , دانه كانت قاعده تلعب مع حبيبها اليديد بولنق . وكان بالحارة الي يمها جاسم وكان قاعد يشوفها واهيي مو منتبهه عليه بس اهو قرب صوب الكور ودانه كانت واقفه اقباله . شافت جاسم المشلول واقف على حيله ويلعب بولنق اهني انصدمت من الي شافته . و عقب شهر من السالفة , دانه

كانت طالعه مع حبيبها اليديد في السيارة قاعدين يتمشون ابشارع الحب ولا يسوون حادث لي درجة انقلبت السيارة فيهم , مات الصبي و انشلت دانه و صارت فضيحتها على كل اللسان . و الله رحم ابحالها انه اخوانها و أهلها ما اذبوحها . عرف جاسم السالفة و صار مثل المينون وعقب شهرين من شلل دانه , دقت على جاسم تطلب منه السماح , بس جاسم من الطيبه الي كانت مالية قلبه ما سامحا , بس راح خطبها واهيي مشلوله , و تحده الكل و خذاها زوجه حقه . وعقب تعالجت دانه اشوي اشوي لما بدت تمشي , وكل من عرف غلطته في النهاية و الحب ملى قلوبهم و كانت ثمرت الحب بنتهم( نور ) الي نورت عليهم دنيتهم .

ان شاء لله تعجبكم

[ندعوك للتسجيل في المنتدى أو التعريف بنفسك لمعاينة هذا الرابط]