فن التعامل مع المخطئين

من طرف **chegevara** السبت سبتمبر 26, 2009 5:08 am

تذكير بمساهمة فاتح الموضوع :

الخطأ سلوك بشري لا بد ان نقع فيه حكماء كنا او جهلاء ..و ليس من المعقول أن
يكون الخطأ صغيراً فنكبره .. و نضخمه.. ولابد من معالجة الخطأ بحكمة ورويه و
أياً كان الأمر فإننا نحتاج بين وقت و آخر إلى مراجعة أساليبنا في معالجة
الأخطاء ..
و لمعالجة الأخطاء فن خاص بذاته .. يقوم على عدة قواعد .. أرجو منكم أن
تقرؤها معي بتمعن ..

':':':القاعدة الأولـــــــــى'
اللوم للمخطيء لا يأتي بخير غالباً

تذكر أن اللوم لا يأتي بنتائج إيجابيه في الغالب فحاول أن تتجنبه ..وقد وضح
لنا أنس رضي الله عنه انه خدم الرسول صلى الله عليه واله وسلم عشر سنوات ما لا مه
على شيء قط ..
فاللوم مثل السهم القاتل ما أن ينطلق حتى ترده الريح علي صاحبه فيؤذيه ذلك أن
اللوم يحطم كبرياء النفس و يكفيك أنه ليس في الدنيا أحد يحب اللوم ..

':':':القاعدة الثانية ':':':
أبعد الحاجز الضبابي عن عين المخطئ
المخطئ أحيانا لا يشعر أنه مخطئ فكيف نوجه له لوم مباشر و عتاب قاس وهو يرى
أنه مصيب ..
إذاً لا بد أن نزيل الغشاوة عن عينيه ليعلم أنه على خطأ وفي قصة الشاب مع
الرسول صلى الله عليه واله وسلم درس في ذلك حيث جاءه يستسمحه بكل جرأة و صراحة في
الزنا فقال له الرسول صلى الله عليه وسلم : ( اترضاه لأمك ؟؟)
قال: لا
فقال الرسول صلى الله عليه واله وسلم : ( فان الناس لا يرضونه لأمهاتهم )
ثم قال الرسول صلى الله عليه واله وسلم : ( أترضاه لأختك؟؟ )
قال : لا
فقال الرسول صلى الله عليه واله وسلم : ( فإن الناس لا يرضونه لأخواتهم )

فأبغض الشاب الزنا

*
':':':القاعدة الثالثة ':':':
استخدام العبارات اللطيفه في إصلاح الخطأ
إنا كلنا ندرك أن من البيان سحراً فلماذا لا نستخدم هذا السحر الحلال في
معالجة الاخطاء ..
فمثلاً حينما نقول للمخطئ
(لو فعلت كذا لكان أفضل..)
(ما رأيك لو تفعل كذا..)
(أنا اقترح أن تفعل كذا.. ما وجهة نظرك)

أليست أفضل من قولنا ..

يا قليل التهذيب و الأدب..
ألا تسمع..
ألا تعقل..
أمجنون انت ..
كم مره قلت لك ..

فرق شاسع بين الأسلوبين .. إشعارنا بتقديرنا و احترامنا للآخر يجعله يعترف
بالخطأ و يصلحه

*
':':':القاعدة الرابعة ':':':
ترك الجدال أكثر إقناعاً ..
تجنب الجدال في معالجة الأخطاء فهي أكثر و أعمق أثراً من الخطأ نفسه وتذكر ..
أنك بالجدال قد تخسر ..لأن المخطئ قد يربط الخطأ بكرامته فيدافع عن الخطأ
بكرامته فيجد في الجدال متسعاً و يصعب عليه الرجوع عن الخطأ فلا نغلق عليه
الأبواب ولنجعلها مفتوحه ليسهل عليه الرجوع .

*
':':':القاعدة الخامسة ':':':
ضع نفسك موضع المخطئ ثم ابحث عن الحل
حاول أن تضع نفسك موضع المخطئ و فكر من وجهة نظره و فكر في الخيارات الممكنه
التي يمكن أن يتقبلها واختر منها ما يناسبه
*

':':':القاعدة السادسة ':':':
ما كان الرفق في شئ إلا زانه..
بالرفق نكسب .. ونصلح الخطأ .. ونحافظ على كرامة المخطئ .. وكلنا يذكر قصه
الأعرابي الذي بال في المسجد كيف عالجها النبي صلى الله عليه وسلم بالرفق ..
حتى علم الأعرابي أنه علي خطأ..

*
':':':القاعدة السابعة ':':':
دع الأخرين يتوصلون لفكرتك..

عندما يخطئ الإنسان فقد يكون من المناسب في تصحيح الخطأ أن تجعله يكتشف الخطأ
بنفسه ثم تجعله يكتشف الحل بنفسه و الإنسان عندما يكتشف الخطأ ثم يكتشف الحل
و الصواب فلا شك أنه يكون أكثر حماساً لأنه يشعر أن الفكره فكرته هو..

*

':':':القاعده الثامنة ':':':
عندما تنتقد اذكر جوانب الصواب..
حتى يتقبل الأخرون نقدك المهذب و تصحيحك بالخطأ أشعرهم بالإنصاف خلال نقدك ..

فالإنسان قد يخطئ ولكن قد يكون في عمله نسبه من الصحه لماذا نغفلها..

*
':':':القاعده التاسعة ':':':
لا تفتش عن الأخطاء الخفية..
حاول أن تصحح الأخطاء الظاهرة و لا تفتش عن الأخطاء الخفية لأنك بذلك تفسد
القلوب ..و لأن الله سبحانه وتعالى نهى عن تتبع عورات المسلمين

*

':':':القاعده العاشرة ':':':
استفسر عن الخطأ مع إحسان الظن..
عندما يبلغك خطأ عن انسان فتثبت منه واستفسر عنه مع حسن الظن به فانت بذلك
تشعره بالاحترام و التقدير كما يشعر هو بالخجل وان هذا الخطا لا يليق بمثله
..كأن نقول وصلني انك فعلت كذا ولا اظنه يصدر منك
*

':':':القاعده الحادية عشر ':':':
امدح على قليل الصواب يكثر من الممدوح الصواب ..
مثلاً عندما تربي ابنك ليكون كاتباً مجيداً فدربه علي الكتابه و أثن عليه و
اذكر جوانب الصواب فإنه سيستمر بإذن الله ..

*
':':':القاعده الثانية عشر ':':':
تذكر أن الكلمة القاسية في العتاب لها كلمة طيبة مرادفة تؤدي المعنى نفسه..
عند الصينيين مثل يقول ..
نقطة من عسل تصيد ما لا يصيد برميل من العلقم..
ولنعلم أن الكلمة الطيبة تؤثر .. و الكلام القاسي لا يطيقه الناس..

*

':':':القاعدة الثالثة عشر ':':':
اجعل الخطأ هيناً و يسيراً و ابن الثقة في النفس لإصلاحه ..

الاعتدال سنة في الكون أجمع و حين يقع الخطأ فليس ذلك مبرراً في المبالغة في
تصوير حجمه ...

*
':':':القاعدة الرابعة عشر ':':':
تذكر أن الناس يتعاملون بعواطفهم أكثر من عقولهم

من طرف **chegevara** الثلاثاء أكتوبر 13, 2009 4:53 pm

سلام
الى السيدة ميمي التي هاجمتني لردي عليها وانذارها في بداية هذه الصفحة
الى اسامة الذي يشرح لي قواعد التعامل خرقي لها ويعلمني اصول التعامل مع الاخرين

الى عاطف شاكر الذي اثلج صدره رد اسامة وهو يلي كان منتظر الادارة ترص الصفوف للدفاع عن ميمي من هجوم الامبرالية العالمية
الى السيدة سانتي الى اعتبرت كلامي مع ميمي هفوة
وانا يلي طلبت من سانتي مرة انو لاتقوليلي اخي واحترمت رغبتي مشكورة
بس للاسف ما قدرت تذكر هاد الشي هون وقت بدها تعتبرني غلطت بحق ميمي
ولشادي الي عم يتأسف على دخول المنتدى ولما شاف غيفارا
عم يسب ويشتم ويوجه لميمي كلام نابي وكلام مابينحكى
مو هيك ياشادي
شكرا الك بس كنت متوقع تنصف الحقيقة اكتر
ولهذه الغير محترمة وهذه الصغيرة بعقلها وتصرفاتها اميرة الورد
يلي انتو عم تقرأو ردودها هون بنص ها المشكلة وماشفت حدا منكن انبرى
وقلها يا انسة نحنا هون مشكلتنا مشان ها الكلمة ليش عم تتصرفي بها الطريقة
ماشفت حدا حكى
كمان شكرا الكن
وللسيد هادي يلي منتبه لكلشي بس بدو يشوف تكاتف الشباب في المنتدى ضد ها العميل الصهيوني
بدو يشوف كيف اعضاء منتداه بدهن يدافعوا عن زميلتهن ضد الهجوم الغادر

اسمعوني يارفاق
واتمنى تعطوني من وقتكن دقائق بس
وانا رح اكتبلكن اسماء المواضيع يلي نبهت فيها الرفيقات في المنتدى على ها الموضوع ومنهن ميمي
وياريت تنصفوا الحقيقة وبالاخص السيد شادي
1-التكم بالاعصاب فن وهندسة
زاوية الحوار الجاد
2-سوريا يا ام الدنيا
زاوية الحوار الجاد
وهون رد ميمي يلي عم تقول ما انتبهت ولا سخرت مني
ياريت الكل يشوف
3- الملك فيصل يطلب من امريكا
منتدى السياسة والاقتصاد
4-موضوع الصمت
قسم خواطر ونثريات
5-لما بتحس انو وجودك متل عدمو
المنتدى العام
6-الغضب شعور طبيعي ولكن
زاوية الحوار الجاد
وهون الكلام للصديقة سونسيت
وبعدها ما رددت هاي الكلمة
وتعاملنا بكل ادب واحترام
7-فضل صلاة التراويح
منوعات اسلامية
وهون الكلام لسانتي
وبعدها بكل احترام تعاملنا مع بعض
لانو احترمت رغبتي بها الشي
وهلق يا شباب
انا ناطر ردودكن وهون مشان كمل ردي لانو لسى ردي ناقص
واتمنى من الاخ هادي ما يحذف ردودي لاني انا مابخجل بشي بكتبوا
ولا بخاف من شي بكتبوا
ولو كان بحق مين ما كان
لاني عندي القدرة اتحمل تبعية اي عمل بعملوا
فياريت ما ينحذف كلامي يا هادي

من طرف **chegevara** الثلاثاء أكتوبر 13, 2009 4:59 pm

اما بالنسبة الك يا ميمي فأنا بشكرك على ردك الاخير
لانو كان واعي اكتر من ردك الاول وردود كل مين كتب بعدك
وهلق يا ميمي انا كتبتلك وين نبهتك ووين نبهت غيرك
واتمنى ترجعي تقرأي وين انا نبهتك
مشان تعرفي انت وكل مين عم يسجل مواقف بها المنتدى
انو كلامي الي زعجك وزعج الكل يا ميمي مافيه اي اساءة ولافيه اي اهانة
ولافيه كلمة فيها قلة ادب
انا ردي كان شديد اللهجة صح
بس هاد اجى بعد عدة تنبيهات
بس اذا بدكن تتجاهلوا التنبيهات
وتاخدوا كلامي الاخير
فهدا شي تاني
بس المهم انا وصل الحقيقة للكل
واتمنى تعطي نفسك شوية وقت وترجعي تقرأي تنبيهاتي يا ميمي
وشكرا الك

من طرف **chegevara** الثلاثاء أكتوبر 13, 2009 5:05 pm

وهون رح وجه شكوى مباشرة الى السيد هادي
من هون مو من نافذة الشكاوي
الانو الكلام هون
اتمنى يا سيد هادي تنتبه الى هاي يلي اسمها اميرة الورد
وتقلها انو نحنا هون بها المشكلة كلها سببها كلمة اخي
وفهمها انو مافي داعي تتعامل بها الاسلوب الدنئ
ورح قلك يا شو اسمك
اخوتك ما بتشرفني ولا صداقتك بتشرفني
ومعرفتك بتسببلي الخجل من نفسي
واتمنى تخجلي من نفسك عنجد

واخيرا انا رح قول
لو في ادارة تنصف الحقيقة يا سيد هادي ماكنت كتبت لهاي الصفيرة ها الكلام هاد
لو شفتك حضرتك وجهتلها كلمة تنبيه
واتمنى منك ما تحذف ولا كلمة من ردودي يا هادي
لانو لو حذفت كلمة من ردودي صدقني رح نخسر بعض ها المرة عنجد
واتمنى ما تعتبرها اي شي
بتمنى تحس انو انا عم دافع عن نفسي وقت كلكن وقفتو ضدي

من طرف **sunset** الثلاثاء أكتوبر 13, 2009 5:11 pm

شو قصتكم يااعضاء المنتدى اغيب شوي والاقيكم متخانقين ليش هيك واحد بدوا يطالع التاني غلطان

شبكم نحن هون اسرة واحدة ونحترم رأي كل واحد منا وكل انسان الو طريقتوا بالمعاملة وكيف بدوا ايعاملوا شبكن اخي او اختي صديقي صديقتي كلوا لقب فقط بالاخر النية الحسنة الي جمعتنا مع بعض
روقوا شوي حبايبي فعلا بحسكن هيك انا من دون مااعرفكن وووجهات نظر وصفحة جديدة انشالله
بدون مشاكل

الكل ايد وحدة بالمنتدى انشالله

غاليتي ميمي والغالي غيفارا صفحة جديدة بيضا
وصافية بعون الله

من طرف **hadideeb** الثلاثاء أكتوبر 13, 2009 6:11 pm

يا غيفارا

انت هيك عم تفرض علينا نناديك يا رفيق

انا ما بناديك يا رفيق

اخي اسمى وارقى

واميرة الورد
تقصدت كتابتها اخي
لتزيد من معنوياتك هنا

الاخوة شئ نبيل وسامي
ورب اخ لم تلده امك

ليك غيفارا

مش راح احذف ولا كلمة ولا حرف
بس بدي منك تفسير منطقي يقبله العقل لسبب عدم رغبتك في منادتك اخي

اذا كنت لا تتشرف باخوة الموجدين من صبيا وشباب
فمكانك ليس هنا

واذا كنت تنظر الى البنات رواد الانترنت من النوع ؟؟؟؟؟

وتستعيب من اخوتهم فمكانك ليس هنا

المهم بدي تفسير واضح جداً
ومقنع لرفضك اخوتنا
واي تفسير غير مقنع تكون مخطئ بحقي وبحق ميمي واميرة الورد وكل من رد عليك

ورائ الجماعة اكيد هو الصواب بعينه

انسى انك صديقي وتعامل معي هنا بعيد عن علاقتي بك

ولا تقول سوف تكون النهاية بيننا

هيدا كلام لا مبالي وغير مسؤول

علاقتي بك لا دخل لها بالمنتدى

لو اردت الاستمرار معنا عليك ان تقبلنا على علاتنا ونقبل بعلاتك
دون ان نفرض شروط على بعضنا البعض

___________

ملاحظة
اقدم اعتذاري لكل اخ واخت شعرت باهانة في هذا الموضوع

واعتذر منك غيفارا
اذا لم نفهمك جيداً
ولكن حتى اللحظة ردك سلبي وعنيف
مع الاخت اميرة الورد

ارجوا ان تفهمني جيداً

تقبلوا اعتذاري جميعكم

من طرف **chegevara** الثلاثاء أكتوبر 13, 2009 8:42 pm

ليك يا سيد هادي
انا ما فرضت على حدا يناديني لا رفيق ولا صديق
انا كتبت انو ما بحب حدا يقلي يا اخي
وقلت نحنا هون اصدقاء
وماقلت نادوني يا صديق
اتمنى انك تنتبه لحزافير الكلام لما بدك تعالج موضوع

وبعدين يا سيد هادي انت عم تلومني ليش حاكي مع اميرة الورد ها الكلام
واعميت عيونك عن استفزازها الي وبالذات بنص ها المشكلة
يا هادي انا مو بحاجة اميرة الورد لحتى تزيد معنوياتي
لاهون ولا غير هون
وانا ماطلبت لا من ميمي ولا من اي حدا شي صعب او شي بيقلل من قيمتها
انا طلبت ما حدا يناديني هيك
وهاد حق الي وماحدا فيه يجبرني او يفرض عليي كيف بدو يعاملني
انت حضرتك عم تقلي اني رادد رد قاسي على اميرة الورد
حقك ياهادي
وعلى راسي يا هادي
ومتل مابدك ياهادي
انت قسيت على اميرة الورد بس
هي تدوس على طلبي ورغبتي والحاحي بطلب ها الشي
تدوس عليه وتمشي مو مشكلة ما
ياسيد هادي اسلوبها واستفزازها ما بيعنيلك شي ما؟؟؟
اي لا يا حبيبي
انا مارح استنى انت تحط تبرير لاميرة الورد ولا لحدا
وانا مو ناطرك تقلي وين محلي يا هادي
وانا بعرف وين بلاقي حالي يا هادي

ورح قلك يا سيد هادي انو انا مو مضطر قدم تبرير لا الك ولا لحدا
عن شي شخصي الي
انا لما بطلب منك او من غيرك شي فوق العادة او شي بينتقص منك او منغيرك
وقتها بتطلب مني تبرير
بس لما بطلب شي اقل من عادي وشي شخصي الي انا
مافيك تفرض عليي اني قدملك تبرير
واخيرا رح قلك انو انا ما اسأت لحدا الا بعد ما طلبت وبكل ادب اكتر من مرة
وما حكيت مع اميرة الورد هيك الا لاسلوبه الي الكل شافوها
واستفزازها الي بنص ها المشكة
واخيرا يا هادي بحد انك تتعلم متل ما بدك العالم تعاملك بالطريقة يلي بتريحك
كمان الناس الها حق عليك تعاملها متل ماهي بترتاح
وشكرا لجميع اعضاء ها المنتدى ادارة ومشرفين واعضاء
واتمنى تكون الايام الي قضيناها مع بعض بها المنتدى
ذكرى حلوة
وانا رح ابحث عن مكان يتحمل عيوبي يا سيد هادي
ويتحمل عقلي المريض

اتمنالك الارتقاء بها المنتدى لاعلى المستويات يا هادي
وانشالله بتكونوا من نجوم المنتديات
موفقين يارب

من طرف **hadideeb** الثلاثاء أكتوبر 13, 2009 11:03 pm

غيفارا

مع الف سلامة والقلب داعيلك

وهيدا مو استفزاز

بل دعوة صادقة مني

ما لقيت حالك هون ممكن تلاقي حالك بغير هون اكيد

الله ينور دربك ويزيدك ونتعلم منك

لا تفكر ردي فيه شئ بل باخوية اقولها لك ربي يوفقك

شكرا لحضورك معنا هالفترة

ونحنا منعتذر كوننا لم نفهم مرادك

هادي ديـــــــــــــــــــــب

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي