كفاية يادنيا

كفاية يا دنيا

يا دنيا كفاية تعبتينا وكتيركتيرمرجحتينا

يوم في السما والهوى طاير بينا

وتلالي النجوم والقمر سهران لعنينا

وسنين ياما الحزن مالينا

يا دنيا كفاية تعبتينا وكتيركتيرمرجحتينا

ياما خدتي منا وادتينا

خدتي منا كتير وقليل ادتينا

فرحنا بيك يوم وباقي العمر جرحتينا

جمعتينا لحظة وسنين فرقتينا

ثواني مع أحبابي ودهر حرمتينا

مكتوب عليك الفراق يا قلبي

مكتوب يا دنيا ماهو بأيد ينا

مكتوب نفارق أعز ما لينا

كفاية يا دنيا أحلفك بمين

وأنت ماليك عزيز ولا غالي

كفاية يا دنيا المر فيكي توبي والهم شالي

والصبر يا دنيا فيكي مركب والموج عالي

تجي نوة ورا نوة ولاقي الصبر شحيح غالي

فراق الحبايب صعب والله ماكان علي بالي

أفارق يوم ورا يوم

وأقول بكرة يتلم الشمل من تاني

ويجي بكرة يحرمني كل خلاني

قادر ربك يعدلها ويعود الفرح من تاني

قادر ربك يعدلها ويعود الهنا من تاني