نتحدى الظروف

من طرف **ashrafeldalil** الإثنين يوليو 06, 2009 4:48 am

يلى حبيتك من قبل حتى ما التقيكى
وعشقت فيكى الهوى من قبل حتى ما المح عينيكى
وحسيت معاكى بالحنان من غير ما ايدى تلمس ايديكى
تسمحيلى اهتف بحس عالى واقوللك
الله عليكى
حبى ليكى كان غصب عنى مش بإرادتى
لا انا اخترت احب عينيكى ولا انت اخترتى
انا وانت جمعتنا الظروف
انا وانت شبكتنا الحروف
صدقينى
عارف ان جواكى منى خوف
عارف ان لسة جواكى منى
شئ من الكسوف
وعارف كمان ان سكتنا لساها طويلة
وان ظروفنا صعبة معقدةويمكن تكون مستحبلة
لكن بإيدينا ايه نعمله
واحنا الاتنين ملناش ياحبيبتى حيلة
صدقينى لو قلتلك
انك ساكنة فى ننى عينى
انك ساكنة فى نبض قلبى وف حنينى
وان حبى ليكى
مكتوب مقدر فوق جبينى
حبى ليكى
غير سواد عتمة سنينى
حبى ليكى
نبع فايض من حنينى
احضنينى
ضمينى بإيديكى الحنونة
احضنينى
طبطبى على كتفى هدهدينى
واسمعينى
سيبينى اقول كل الى عندى
من غير ما تقاطعينى
سيبينى افضفض
سيبينى احكى
سيبينى اشكى
نفسى ارمى همومى تحت رجلك
نفسى ابكى
نفسى اغسل حياتى من همومى
نفسى اطلع من هدومى
نفسى حد يحس بيا وبعذابى
نفسى اجدد معاكى سنين شبابى
نفسى اخد م الهموم موقف ايجابى
نفسى احكى عن اهاتى وعن انينى
نفسى اشكى للزمان الى كاوينى
نفسى اشكى م الفرح اللى ناسينى
نفسى القى الفرحة جاية بتنادينى
الاقيها وتلاقينى
الاغيها وتلاغينى
نفسى انسى حزن السنين
اللى مكحل ننى عينى
نفسى اخلص م الهموم
اللى ساكنة فوق جبينى
تعرفى
ساعات كتير بتمنى اموت
لوكنت ورقة فى قلب شجرة
بتطرح توت
لو ياخدنى الطوفان
ويرمينى فى بطن حوت
لو كنت خيط
من خيوط العنكبوت
لو يندفن جسمى فى تابوت
نفسى اضرب الاحزان
100 شلوت
جوة منى حاجات
ينطقها السكوت
ياريتك تسمعينى
ياريتك تفهمينى
ياريتك تحسينى
احضنينى
ملسى بإيديكى شعرى
هدهدينى
طمنينى
رجعيلى سنين طويلة من حياتى
خرجينى من سكاتى
نسينى عذابى
نسينى اهاتى
فضفضيلى بلى معشش جوة منك
قوليلى انك حبتينى
غصب عنك
مش بإرادتك
زى ما انا حبيتك
غصب عنى مش بإرادتى
لا انا اخترت احب عينيكى
ولا انت اخترتى
انا وانت جمعتنا الظروف
انا وانت شبكتنا الحروف
انا وانت جوانا خوف
لكن عايزك توعدينى
قبل ما اخلص كلامى
قبل ما اهديكى سلامى
اننا رغم الالام
رغم الصعاب
راح نقاوم
ونتحدى الظروف
اشرف

من طرف **hadideeb** الإثنين يوليو 06, 2009 4:51 am

:lol:

روععععععععععععععة اشرف الله يوفقك رووووووووعة

Embarassed

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي