فايدة علامات الترقيم

من طرف **loloa** الخميس سبتمبر 17, 2009 5:03 pm

كتب أستاذ انكليزي العبارة التالية على السبورة
( Woman without her man is nothing )

وطلب من الطلاب و الطالبات وضع علامات الترقيم على الجملة

-وهي بحد ذاتها موضوع خلاف-

الشباب كتبو ... :
( Woman, without her man, is nothing )
واثقييييين بقوووه
المعنى / المرأة، بدون الرجل ، ولا شي

و البنات كتبت ... :
( Woman: Without her, man is nothing )
المعنى / المرأة : بدونها ، الرجل ولا شي

عرفتوا ايش فايدة علامات الترقيم

من طرف **sunset** الخميس سبتمبر 17, 2009 6:10 pm

الله يعطيك العفافية عزيزتي لولا

سلمت يداك وجزاك الله كل خير
ارجو ان تتقبلي مروري

من طرف **chegevara** الخميس سبتمبر 17, 2009 7:11 pm

شكرا لك انسة لولا على هذا الموضوع
ولكن أحب ان اعرف
انت مع اي التفاسير
الاول او الثاني
وشكرا لك

من طرف **loloa** السبت سبتمبر 26, 2009 5:18 pm

اهلين غيفارا انا مع المعنى التاني للمزح
بس بالحقيقة انا مع ولا معنى لأنو الرجل والمرأة بيكملوا بعض
صح ؟

من طرف **chegevara** السبت سبتمبر 26, 2009 5:32 pm

ظبطيها بالاخير يا لولا
بس صحيح بيكملوا بعض على راسي
بس الرجل بيدفع اكتر
لحتى تكتمل الصورة
صح او غلط ؟

من طرف **loloa** السبت سبتمبر 26, 2009 5:46 pm

لا مو صح
واذا قصدنا الرجل والمرأة ببيت واحد فبتلاقي دور المرأة اكبر اكيد مع دعم من الرجل
بس قلي شو بيدفع الرجل

من طرف **chegevara** السبت سبتمبر 26, 2009 7:47 pm

وليش معصبة
وخير انشالله
وطولي بالك
وياعمي لولا المرأة الرجل ما بيسوى شي
هيك بدك
بس لاتعصبي
بالبيت اكيد المرأة بتتعب اكتر وبتدفع اكتر من الرجل
بس الرجل بيتعب برا البيت مشان يعمر ها البيت
وتأكدي لو تقاعس الرجل برا البيت رح يخرب ها البيت شو ماتعبت المرأة وشو ما دفعت
ومابدها كل ها الشي لولا
وشكرا الك على ردك

من طرف **loloa** السبت سبتمبر 26, 2009 7:59 pm

ههههههه انا مو معصبة
صح انو الرجل عم يتعب برا ليجيب مصاري
بس شو رأيك بالنساء يلي بيشتغلو برا كمان وبترجع عالبيت هي وجوزها
هو حضرتو بينام وبيرتاح وهي بتبلش شغل بالبيت وولاد
فمين بيتعب أكتر ؟
انا بنصحك تستسلم وتعترف بالحقيقة
لأنو انا مخي كردي ومستعدة عاندك طول العمر

من طرف **chegevara** السبت سبتمبر 26, 2009 8:06 pm

لالا انشالله ما منوصل لهاي المرحلة يا لولا ولا رح نتعاند للعمر
انا بهاي النقطة معك قلبا وقالبا بس صدقيني يا لولا انا ارفض تمام شغل المرأة برا البيت
مو لاني متخلف او رجعي او لاي سبب الا لانو المرأة بالفعل بيكفيها تعب البيت والاولاد وتعب الرجل كمان اذا كان غير متفهم
ولهيك المرأة مملكتها البيت
وهي الملكة فيها صح
لانها هي يلي بتعمر وهي يلي بتبني هاي المملكة
وإما بتكون سعيدة ها المملكة او بتكون كئيبة
ولهيك بيكفها للمرأة هاد التعب
ولا انا غلطان

من طرف **loloa** السبت سبتمبر 26, 2009 8:35 pm

ممممممممممممممم
أنا عندي رأي تاني
الشغل ضروري لاثبات الذات وكتير حلو الطموح
ومابيصر تحصر حالها المرأة بالبيت بس
لانوهي كمان عندها شخصية وطموح
صح ياعزيزي

من طرف **chegevara** السبت سبتمبر 26, 2009 8:41 pm

انا اعطيتك وجهتي نظري واعطيتك براهين يا لولا
وانا مع طموح المرأة واثبات ذاتها
بس صدقيني لما المرأة يكون عندها شغل خارج البيت
رح يكون على حساب شي تاني
ممكن صحتها ممكن راحتها ممكن نفسيتها ممكن يكون هاد الشي الو اثر سلبي على البيت كلو
معي حق او مامعي بربك

من طرف **loloa** السبت سبتمبر 26, 2009 8:47 pm

بربي لا
عم شوف كتير نساء عم ينظموا حياتون بين الشغل والبيت
يعني أحسن ماتقعد بالبيت مع الجارات على قهوة وحكي
تعمل شي مفيد أحسن

من طرف **chegevara** السبت سبتمبر 26, 2009 8:49 pm

مارح اقدر اقنعك
تعبت معك
بدي اسألك بتأذنيلي انسحب او لا ؟

من طرف **loloa** السبت سبتمبر 26, 2009 9:06 pm

بما أنو قلبي كبير
قررت افرج عنك
وسامحتك كمان

من طرف **chegevara** السبت سبتمبر 26, 2009 10:44 pm

يا ستي شكرا الك
وعلى قلبك الكبير
يلي مو مبين انو كبير كتير
يعني يمكن كبير شوي

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي