ما الفرق بين الصراحة والوقاحة

من طرف **chegevara** السبت سبتمبر 26, 2009 5:23 am

للأسف هناك البعض يتصرفون بمنتهى الوقاحة
معلليييين ذلك بأنهم صريحيييين ،،

الصراحة شيء جميل
ومصارحة أصدقائنا بعيوبهم
أمر مطلوب وواجب ،،
لكن البعض ينتقد بوقاحة
وبطريقة فيها تجريح ،،

أنا هنا أتساءل ....
هل الصراحة تعني الوقاحة؟؟

ألا يمكن للفرد أن يكون صريحاً
إلا إذا كان وقحاً لا يراعي مشاعر الآخرين ؟؟

لماذا يتضايق البعض من الصراحة ؟؟

متى تكون الصراحة جارحة ومتى تكون كلمة حق
يجب أن نقولها؟؟

أريد أن أعرف آرائكم عن الفرق بين
المعنيين من وجهة نظركم :الصراحة والوقاحة
وهل يمكن أن نضع هاتين الكلمتين
في كفة واحدة ؟؟!!

بانتظار آرائكم

من طرف **@TAMER@** الأحد سبتمبر 27, 2009 4:10 am

الفرق بين الصراحة والوقاحة شعرة اذا قطعت اصبحت الصراحة وقاحة

من طرف **chegevara** الأحد سبتمبر 27, 2009 4:21 am

لقد صدقت يا أخي تامر
والشعرة هي الاحترام
شكرا لمرورك اخي العزيز

من طرف **@TAMER@** الأحد سبتمبر 27, 2009 4:27 am

على الرحب والسعة

من طرف **loloa** الأحد سبتمبر 27, 2009 6:40 pm

بهالأيام الشخص الضعيف تعتبر صراحتو وقاحة حتى لو ماكان فيها وقاحة
حتى تعبيرو عن رأيو يعتبر وقاحة
وشي تاني الصراحة مطلوبة بس مراعاة شعور الاخرين أهم

من طرف **chegevara** الأحد سبتمبر 27, 2009 8:08 pm

لالا مو لها الدرجة لولا
بتبقى الصراحة صراحة ولو كانت من ضعيف
بس ممكن الضعيف هو بيحس هيك
لانو ماعندو ثقة بنفسو
شكرا الك لولا على ردك الحلو

من طرف **loloa** الأحد سبتمبر 27, 2009 8:25 pm

ياغيفارا ضعيف هالأيام هو الي ماعندو مركز ومال
وهيك واحد مابيقدر يعيش بصراحة لازم يصفق ويهز راسو
أنا أخدت الموضوع لمنحى تاني أنت يمكن مو قاصدو
بس على كل مافي أحلى من الصراحة مع مراعاة شعور الغير

من طرف **chegevara** الأحد سبتمبر 27, 2009 8:34 pm

لالا مو بالضرورة يكون ضعيف يا لولا
وهاد بالفعل تفكير ضعفاء ولو
الانسان قادر يثبت نفسو ولو كان ضعيف المركز والمال
ولو يا لولا
بعمرك لاتفكري هيك

من طرف **دمعة ملاك** الأحد سبتمبر 27, 2009 8:49 pm

معلش شباب انتو فتحتو موضوع كتير خطير الصراحة والوقاحة وانا بنظري لازم يكون كل انسان صريح مع غيروا بس ما توصل لدرجة اهانة الشخص الاخر لانو بيضل انسان و بينجرح كمان وبتتأذى مشاعرو لهيك مافي أحلى من الصراحة بس مع المحافظة على مشاعر الشخص يلي قدامو
وبتمنى تتقبلوا مشاركتي

من طرف **loloa** الأحد سبتمبر 27, 2009 8:50 pm

انا مابفكر بضعف
ويمكن صار عندك فكرة بسيطة عن تفكيري
انا كتير جريئة وقوية
بس صدقني هي الواقع ويمكن معك حق الشخص هو بيعمل حالو ضعيف
مادخل المصاري والمركز

من طرف **chegevara** الأحد سبتمبر 27, 2009 8:56 pm

مشاركتك غالية يا دمعة ملاك
وشكرا الك على ردك الحلو
اما بالنسبة للغالية لولا رح قلك انو هلق بلشتي تفهمي عليي
واكيد اي انسان قادر يبني لنفسو مركز بتصرفاتو وبأخلاقو وبأعمالو
صدقيني

من طرف **loloa** الأحد سبتمبر 27, 2009 8:58 pm

اكيد مصدقتك
أنا بثق بكلام شخص حامل اسم غيفارا
وتفكيرو بيجنن

من طرف **chegevara** الأحد سبتمبر 27, 2009 9:01 pm

تسلمي يارب
واشكرك على كلامك اللطيف
وشكرا على كلشي
وانا هلق مضطر اخرج من المنتدى
نلتقي انشالله

من طرف **loloa** الأحد سبتمبر 27, 2009 9:08 pm

انشالله
الله معك

من طرف **sunset** الإثنين سبتمبر 28, 2009 12:10 am

الصراحة هي قول الحقيقة بطريقة لطيفة ومعبرة لنصل مانريده بكل حرية واحترام

لكن الوقاحة خليني قولها بالعامية هي متل دجني دجتك العافية يعني شال الكلمة وقالها من دون تفكير ولا مراعاة للمشاعر الشخص وهيك بتكون وقاحة

وفعلا بيناتهم شعرة

على فكرى غيفارا انا انسانة صريحة كتير

وانت غيفارا شو رأيك بالصراحة والوقاحة بحب تعطينا رأيك انت كمان لان بحسك صريح بردودك وعفوي خبرنا يلا غيفار

اتمنى ان تتقبل مروري

من طرف **chegevara** الإثنين سبتمبر 28, 2009 6:58 am

شكرا الك على ردك يا سونسيت
وايضاحك لمعنى الموضوع كمان
اما بالنسبة الي يا سونسيت فمقياس الصراحة والوقاحة عندي بيجي تبعا للشخص يلي عم اتعامل معو
لانو في ناس لازم نكون صريحين معهن وهدول بيكونوا بيفهموا بالتلميح
اما في ناس مابتفهم الا بالوقاحة يا صديقتي
وانا وقتها مو بس رح دجها دج لاوالله رح اكسر رجلها كمان
لانو صدقيني في ناس ما بتفهم الا هيك
شكرا الك وانشالله ما تأخدي عني نظرة سيئة

من طرف **sunset** الإثنين سبتمبر 28, 2009 5:48 pm

لا بالعكس غيفارا بس هذا الوقت هيك بدوا وفعلا متل ماقلت حسب الي بيفم

ويالله مااحلاه الانسان الي بيفهم من النظرة او الكلمة بتكون عايش حياتك مرتاح والي صعب انوا تفهموا حتى لو كنت صريح مشكلة لازم تستعمل الاسلوب التاني مجبر لانو هو جبرك على هل الشي

ارجو انا تتقبل مروري التاني ولك مني كل الاحترام

من طرف **سيلين** الإثنين سبتمبر 28, 2009 7:06 pm

ما الـفرق بين الصراحة والوقاحة ؟؟

أعتقد أن الفرق واضح بين المعنيين ولكن قد يتواجد خط الفاصل بينهما

والصراحة ترتبط تلقائياً بإنتقاد المرء لغيره ، فعندما يقول شخص لشخص آخر : أنني سأكون صريحاً معك .... فهذا يعني أنها مقدمة لإنتقاد هذا الشخص الآخر في عمل ما ، أو تصرف ما ، قام به ... لا شك في ذلك ..

وهناك نقد بناء ضروري وهام لكل إنسان لكشف عيوبه ومعالجتها وتحسين صورته أمام الناس فهو نقد مقبول. وهناك نقد هدام وغالباً ما يقوم به الاناس الباحيثن عن الشهرة الكذابه على مبدأ خالف تعرف وهو أمر مرفوض مرفوض

وكل إنسان منا من حقه أن ينتقد، لكن يجب عليه أن يتذكر أن هناك خطاً رفيعاً جداً بين الصراحة والوقاحة

نعم من حقك أن تنتقد وولكن ليس من حقك أن تسيء الأدب وتصبح وقحاً في نقدك، النقد والصراحة يجب أن تمارس بأدب، وانتقد العمل أو الفكرة أو التصرف وليس الشخص نفسه، إذا لم يعجبك كتاب ما مثلاً

فانتقد المقال وأفكاره وليس مؤلف المقال، وإذا لم يعجبك موضوع أو رأي في المنتدى إنتقد ما لايعجبك
في الموضوع أو الرأي وليس شخص المؤلف، فلا تنعته بألفاظ خارجة أو قبيحة ولا تسبه أو تنتقص منه

أظن هذا كاف لتوضيح هذه النقطة.

تحيتي وتقديري لك

من طرف **hadideeb** الإثنين سبتمبر 28, 2009 7:41 pm

شكرا اخي غيفارا على هالموضوع الهام

الصراحة صراحة
الوقاحة وقاحة

الفرق بينهما كبعد الشمس عن الارض
والقرب بينهما كحبل الوريد من الجسد

والشاطر اللي بيقدر يفصلهم

تقبل مروري مع فائق ودي وتقديري

من طرف **chegevara** الثلاثاء أكتوبر 06, 2009 4:38 am

شكرا لمرورك يا سيلين
وشكرا لاسهاب بالايضاح
وشكرا لمرورك الغالي يا غالي
هادي
نورتو الصفحة

من طرف **Barbie** الثلاثاء أكتوبر 06, 2009 3:56 pm

الصراحة كتير ضرورية بس مع مراعاة شعور الاخرين والوقاحة صراحة مع اهانة

من طرف **chegevara** الأربعاء أكتوبر 07, 2009 9:52 pm

شكرا لمرورك يا باربي

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي