لغة الشباب

من طرف **loloa** السبت سبتمبر 26, 2009 6:39 pm

حبيبتي لا تهكلي همي طلعي مع رفقاتك اليوم
(ما صرلنا يومين مرافقين بكرة بتشوفي)

*أنا ما دخلني عملي اللي بدك اياه
(استرجي تعملي غير اللي قلتلك عليه)

*مالي علاقة روحي لوين ما بدك
(استرجي تطلعي من باب البيت)

*تأكدت طلعتك المسا مع رفقاتك؟
(لكان لاخترع طلعة معي من تحت أضافيري و افقسلك طلعتك)

*أكتر شي حبيتو فيكي طيبة قلبك
شو هالجسم الخزيء

*كأنو رفيقتك سبور كتير؟!!!!
(كلا اسبوع و بمنعك تحكي معا)

*حبيبتي كانو موبايلك برن كتير
(غيري رقمك قبل ما انا غيرلك ياه)

*ورجيني شو نوع موبايلك هاد النوكيا الجديد؟؟
(حفليلك اللوغ رقم رقم واسم اسم)

*حلو لون شعرك الجديد بس الطبيعي أحلى
(الله يكسر ايديكي على هالصبغة طالعة متل الرقاصة)

*أنا متقبل انو الك علاقات سابقة هاد حقك الطبيعي
(مستحيل فكر فيكي بشكل جدي ورح ضل هتك بماضيكي)

*ما بعرف ليش انا مشلوش من طلعتك اليوم الصبح ما عم تفوت بمخي
(بدي اتمشكل و اخترع خناقة و انزعلك مساكي)

*كانو مو أول مرة بتجي على هالمحل؟!!!!
(يخرب بيتك شو كاينة دايرة على حل شعرك قبل ما أعرفك)

*كانو هالكنزة صغيرة عليكي
(بكسر ايديكي ازا بشوفك لابستيا مرة تانية)

*ورجيني كأنو بنطلونك جديد
(يا ويلك ازا بتكوني نازلة عالسوق ومو قايلتيلي)

*شفتي الشب اللي مر بالسيارة السودة هاد رفيقي اللي حكيتلك عنو
(لامر ولا شي بدي اتاكد ازا كنتي عم تبصبصي عالشباب بالسيارات)

*كربوج رفيقي ما؟؟
(بدي شيل عيونك ازا قلتي اي)

*قال رفقاتي شايفينك من كم يوم بالشعلان
(رفقاتي ما بيعرفو كيف شكلك بس بدي زلقك)

*حبيبتي كانك سمنانة شوي!!
(يفضح عرضك على هالقفا صايرة متل البقرة)

*الشب ما بعيبو جمالو
(بعرف حالي متل القرد بس استرجي هتيني)

*نحنا مجتمع شرقي الشب غير البنت
(أنا بعمل اللي بدي اياه وانتي بتسمعي كلمتي و بتنضبي بالبيت)

*انتي ليش حاطة حواجز بيناتنا شو لسة ما وثقتي فيني؟
(تلحلحي نشفتيلي قلبي يا حـيـط)

*خلينا نطلع نتمشى طائة روحي من المطاعم
(الدنيي آخر شهر و مفلس ما معي اخدك تتزهرمي)

*ييييييي نسيت جزداني بالسيارة
(استحي على دمك حاجتي اصرف عليكي)

*متخانق مع اهلي مشانك وعم نام عند رفيقي
(حطي ببالك من اليوم ورايح بدك تصرفي عليي)

*أنا ما بؤمن بالفلنتاين كل يوم عندي هو عيد حب معك
(يعني ازا بدك تجيبيلي هدية جيبيلي بس لا تحلمي انا جبلك)

*رفيقتي القديمة كانت حتنتحر بس قلعتا
(قلعتني و مسحت بكرامتي الارض ومتت لارجعلا)

*إمي حستك قوية
(امي ما طاقتك و عم تدورلي على عروس وانا ما بتنيلا كلمة)

*حبيبتي ليش كل ما بحاكيكي بتندهلك امك؟
(يقطع عمرا إمك شو قوية و شاضومة و قارحة)

*انا اللي بدي اخدا بدا تكون قنوعة و عينا شبعانة
(أنا شحاد و ما معي آكل)

*حبيبتي حاكيني بسرعة خلص شحن موبايلي
(طالع مع ضرب جديدة عم زبطا وحاقفل موبايلي)

*انا حاسس انك متغيرة و ماعم تحسي فيني متل قبل
(أنا عم خونك وعم اتحجج لنترك)

*نحنا التنين متوترين خلينا نبعد عن بعض فترة نفكر فيا منيح
(أنا مليت منك وما بدي اتركك قبل ما دور على وحدة جديدة)

*ديري بالك على حالك وتاكدي اني عنجد حبيتك و مستحيل انساكي وبتمنالك كل خير
(عم طيب خاطرك بعد ما هنتك و خنتك و قلعتك)

من طرف **chegevara** السبت سبتمبر 26, 2009 7:43 pm

أكتر شي حبيتو فيكي طيبة قلبك
شو هالجسم الخزيء
والله انك بلوة يا لولا
طيب اذا بتعرفوا هالشي ياعمي ليش بتأمنولنا
ياعمي ليش
هاي الدنيا
شكرا الك على ها الموضوع الجميل يا لولا
وانا حبيت كتاباتك لانها كتير واقعية
تقبلي مروري

من طرف **loloa** السبت سبتمبر 26, 2009 7:51 pm

هه
وأنتو كمان بتعرفوا أنو كيدنا عظيم وبتأمنولنا
بس شو بدك بالحكي شباب هالأيام فظيعين بس على مين

من طرف **chegevara** السبت سبتمبر 26, 2009 8:00 pm

احذري شو
هلق لانحنا منأمنلكن ولا انتو بتأمنولنا
بس نحنا وانتو بحاجة بعض
ولو انو كل طرف بيعرف انو التاني عم يكذب عليه
بس في بداخل كل طرف ها الحقيقة وبيكتمها لانو لو كشفها مارح يلاقي حدا يشاركوا حياتو
ولهيك بس حدا يلاقي بشريكو شي مليح بيحاول يتغطى عن الشي السيء وهكذا صديقتي
اما عن الثقة وها المور هاي أظن انو الثقة بيننا معدومة
هههههههههه

ههههههههه
للاسف

من طرف **loloa** السبت سبتمبر 26, 2009 8:58 pm

هالمرة بوافقك الرأي تماما

من طرف **chegevara** السبت سبتمبر 26, 2009 10:44 pm

الف الحمد لله

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي