امثال حومصية

من طرف **ميمي** الجمعة نوفمبر 20, 2009 10:09 pm

حومصيات شعبية..

هي كمان مجموعة جديدة من الأمثال الحمصية انشالله تعجبكم

باتت جوعانة وجوزها خباز
باع جلد الدب قبل ما يصيدو
بحبك يا سواري لأنه زندي فيك
البخيل متل العضمة المجرومة ما فيها خير
بدال ما تمشي وتهزي كتفك رقعي فروة خفك
بدك تعملي أدن سطح وأدن مزراب
بدو يعزي وما بيعرف مين مات
برغوت قال للبقة يضرب الشحرور إذا ترقى
بس تشيل أيدك من تمو بطل يعرفك
بياكل البيضة وقشرتها وبقول ما شفت شي
بيتنجاني كبرت ونزلت اجراسها نسيت قفة الزبل فوق راسها
بيحسد الميت عا كفنو
بيضة اليوم ولا جاجة بكرة
بيكون عم يحلق بيصير يقلع أضراس
تخانقت الجواميس راحت الصيصان معيس
تغربنا لنشبع مرقة..اشتهينا العضة من الرغيف
الحيط الواطي بتركبو ا كل الناس
الحيط الواطي بنط عليه الكلب
الحماي ما بتحب الكني ولو كانت من صدر الجنة والكنة ما بتحب الحماي ولو كانت نازلة من السما.
حظي بكل شي أسود بس بالبطيخ أبيض
حسدوا الأعمى على كبر عيونو
حبني وخود جحش قال لو المحبة ما بتصير دحش
حلم القط فارة
دوا العقرب الصرماي
الدنيا متل الرقاصة بترقص لكل واحد شوي
دعوة الحمار للعرس لحمل الحطب أو نقل المي
الدست قال للمغرفة يا سودة يا معجرفة قالت:كلنا أولاد مطبخ
دخانك عمانا وأكلك ما إجانا
راحوا يشنقوه قال بدي حبل منقش
رمانتين بفرد أيد ما بينحملوا
الرقاصة الغشيمة بتتحجج بقشة الحصير
ركبناه ورانا حط أيدو بالخرج
ربيتو جرو لما صار كلب عضني
زوج الفقير للفقيرة بيكتروا الشحادين
شو فايدة الكحلة يا مرت الأعمى
الفارة ما عجبها دنبها جرت وراها مكنسة
الفرس إذا بطرت بترمي صاحبها
الفقير لو ركب على الجمل بيعضو الكلب
قال كلب الحداد بلع منجل قال عند تصريفو بتسمع صريخو
قالو صباح الخير يا أقرع..قالو هادا أول باب من النقار
قالو يا ربي اعطيني وجربني..قالوأنا خالقك وبعرفك
قالت الجبسة للتومة شو ها الريحة البشعةقالت لها التومة روحي شوفي حالك..أنتي مين ما طبشلك بتروحي معو.
قالوا للكلاب أركضوا وعووا قالوا ما منقدر التنين سوا,يا منركض يا منعوي
قالوا للجمل ليش بتاكل شوك قاللهم بفتكرو وقت الي كان أخضر