روق

من طرف **no comment** الإثنين يناير 04, 2010 6:37 am

ناموسه وقعت فى كاس وسكى طلعت تقول وسع للنسر

الدكتور بيلف على العيانين فشاف واحد بيخبط دماغة فى الحيط فسال الممرضة
ماله ده ؟؟ قالت له ده كان بيحب واحدة لكن مجوزهاش... فدخل الدكتور العنبر
التانى فشاف واحد ماسك شبشب وبيخبط على دماغه فسال الممرضة وده ماله ده؟؟
قالت له ده الى اتجوزها

اتنين مساطيل ماشين فى الشارع الاول قال للتانى شايف الاتنين المساطيل الى
بيصطادو من البلكونه الى فوق ، رد عليه التانى وقال سيبك منهم .. ادف..
ادف

برص سكران بيقول لصاحبه .. لولا الخمرة والحريم كان زمانى بقيت تمساح

مرة ولد شاف قطة فى الشارع قال لأخوه انا هاخد القطة دى اغسلها و
اربيها.اخوه قاله لو غسلتها هتموت و سابه و مشى و رجع بعد ساعتين لقى اخوه
بيعيط وبيقوله القطه ماتت قاله مش قولتلك لو غسلتها هاتموت قاله ماماتتش و
انا بغسلها ماتت و انا بعصرها

بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه،قالهم هو شرط؟

واحد ندل قعد لمده سنة يتحايل على حبيبته علشان تخرج معاه ولما وافقت راح قال لأبوها

واحد مسطول ماشي في البيت خبط في أمه .. قالتله ايه ما شفتنيش .. قالها لاء شفتك بس مش فاكر فين

حشاش بيقول لصاحبه: انا حلمت امبارح أننا بقينا فنانين .. أنت فنان تشكيلي ... وأنا فنان أشكيلك

بيقوللك ثلاثه مساطيل بيحكوا مع بعض, اول واحد بيقول: انا لو معايا
فلوس اشترى امريكا الجنوبيه , والتانى : قال وانا لو معايا فلوس اشترى
امريكا الشماليه, فرد الثالث وقالهم : ومين قالكم ان انا هبيع

اثناء مرور مدير مستشفي الامراض العقلية علي عنابر النزلاء لقى واحد قدامه
بيكتب جواب فسأله المدير: بتكتب جواب لمين، المريض قاله : بكتب جواب
لنفسي، المدير: فيه حد بيكتب جواب لنفسه طيب بتقول فيه ايه، المريض قاله :
سبحان الله.. واعرف منين مش لما الجواب يوصلني.

واحد سكران كان بيعاكس وحدة وحشة اوي بالليل فكان بيقول لها يا وحشة
يا وحشة راحت ملتفتة له وقالت له يا سكران راح قايل لها طب انا سكران
وحفوق بكرة .. . وانتي !!!

عيل صغير سأل أمة إزاى انا جيت الدنيا قالت له حطيت شوية سكر تحت السجادة
لقيتك جيت ... راح الولد حاطط شوية سكر تحت السجادة... بعد يومين لقى
صرصار راح قال له لو مكنتش ابنى كنت قتلتك

اتنين مساطيل بيحششوا قدام مرايا فواحد قال لتاني قوم بينا نسلم علي
الاتنين اللي قدامنا دول.... و هم قايمين التاني قاله اقعد يا عم هما
جايين هم ...

2مساطيل واحد فيهم بيقول لصاحبه هما الفراعنه بنو الهرم في اد ايه
قاله في عشرين سنه فرد عليه يـاااه عشرين سنه دا كتير قوي قله اصلهم كل
لما يروصوا حجرين المباحث تيجي تشدهم