عضو (ة) تحت المجهر

من طرف **zorba12** الأربعاء يونيو 10, 2009 8:38 pm

تذكير بمساهمة فاتح الموضوع :

أسعد الله أوقاتكم بالخير والمسرات

أخواتي أخواني .. أقترح عليكم موضوع ويتم من خلاله التعرف على بعض
ومعرفة بعضنا البعض بشكل أكبر إذا أمكن وبدون إحراج
ونحن هنا نلتقي لنرتقي وهذه هي مبدأ المنتديات
ومبدأنا نحن لنجعل هذا المنتدى كالصرح القوي

عضو (ة) تحت المجهر )))

هذا هو إسم الموضوع وهو عبارة عن إختيار عضو معين

ويتم أستجوابه من قبل الأعضاء ..

شريطة ان تكون الاسئلة غير محرجة ولاتدخل في الخصوصيات

وأولا وأخيرا تعتمد على حسب العضو الجالس تحت المجهر

فله الأحقية في الجواب على أي سؤال أوعدم الجواب

لكن هذا الموضوع الهدف منه التعارف على بعض بشكل

أكبر وأكثر لأننا أخوة وألتقينا هنا في هذا المكان المحترم

لنتعلم من بعضنا البعض وللأمانة الموضوع منقول شاهدته في

أحد المنتديات وعجبتني الفكرة وأتمنى التفاعل من الجميع

وشكرا لك .....

وللعلم يتم إختيار كل مدة عضو واحد وفي

كل مرة نختار عضو جديد وأتمنى تعجبكم الفكرة

ملاحظة: ( لتكون الفكرة ناجحة بنسبة 100% يجب ان يكون لهذه الفكرة منتدى فرعي )
أقترح إنشاء منتدى بعنوان: قسم التحقيق ( عضو أو عضوة تحت المجهر )

تقبلو فائق احترامي

من طرف **hadideeb** الثلاثاء نوفمبر 17, 2009 7:42 pm

لولااسئلة بدم خفيف ________ <1> - صــف نفســـك بكلمتيـــن فقـــط..! < 2> -مــاهــو الشــئ الذي ندمــت علــى عمـلــــه! < 3> -كـلمـــة تمنيـــــت ان تسـتطيـــع سحـبهــــا! < 4> -آخـــر شخـــص تتـــذكــــره قبـــل أن تنـــــام! < 5> -جــريمــة تتمنـــي لـــو تستطيـــع ارتكابهــــا! < 6> -حمـامة زاجـــل حاملـــة رســالة لـك,,,من من تتمنـى ان تكــون! < 7> -شخـــص لطــالما حـــلمـــت بــــه! < 8> -دمـعـــه ذرفتها رغـمــاً عنـــك.. متى ولماذا! < 9> -مـوقـــف صــدمــك ولــن تنســــاه! <10> -شــئ او عمــل لا تستطيــع ان تسامح عليه! <11> -شــئ او شخــص غيــّر مجــري حياتـــك! <12> -حلم لا تستطيـــع تحقيقه! <13> -كلمة تود سماعها كل يوم! <14> -القمر-الشمس-النجوم...ايهم تفضل والسبب <15>_ ماهي هوايتك اللي تمارسها ولا تحب ان يطلع عليهاا الاخرون اتمنى ان ارى ابتسامتك الساحرة. ودي يسبقه احترامي لي عرودة تانية لولا ..

من طرف **loloa** الثلاثاء نوفمبر 17, 2009 9:22 pm

_ <1> - صــف نفســـك بكلمتيـــن فقـــط..!
طيوبة ولطيفة
< 2> -مــاهــو الشــئ الذي ندمــت علــى عمـلــــه!
المزحة يلي عملناها مع رامي كانت تقيلة
< 3> -كـلمـــة تمنيـــــت ان تسـتطيـــع سحـبهــــا!
بكرهك
< 4> -آخـــر شخـــص تتـــذكــــره قبـــل أن تنـــــام!
حبيبي
< 5> -جــريمــة تتمنـــي لـــو تستطيـــع ارتكابهــــا!
بدي ارتكب فيك جريمة هادي
< 6> -حمـامة زاجـــل حاملـــة رســالة لـك,,,من من تتمنـى ان تكــون!
من حبيبي
< 7> -شخـــص لطــالما حـــلمـــت بــــه!
كريستيانو رونالدو ههههههه
< 8> -دمـعـــه ذرفتها رغـمــاً عنـــك.. متى ولماذا!
تعرضت لموقف من صديقة مو حلو ونزلت دمعة زعلت على دمعتي لانها اغلى منها
< 9> -مـوقـــف صــدمــك ولــن تنســــاه!
ولا شي هههههههه انا بنسى كل شي مابخلي بقلبي
<10> -شــئ او عمــل لا تستطيــع ان تسامح عليه!
الغدر
<11> -شــئ او شخــص غيــّر مجــري حياتـــك!
عملي
<12> -حلم لا تستطيـــع تحقيقه!
الزواج بحبيبي هههههههه
<13> -كلمة تود سماعها كل يوم!
اشتقتلك
<14>
-القمر-الشمس-النجوم...ايهم تفضل والسبب
القمر لانو بيحسسني بالرومانسية والأحلام
<15>_
ماهي هوايتك اللي تمارسها ولا تحب ان يطلع عليهاا الاخرون أنا مابخبي شي لاني بحب الوضوح وبفخر بكل شي بحبو وبعملو فما بخبيه الا شغلة بحب جاكرك ههههههه
ميرسي هادي عم استنى عودتك

من طرف **hadideeb** الأربعاء نوفمبر 18, 2009 12:19 am

والله اجوبتك كتير شفافة وصريحة
بس ليش الجريمة فيي
وخلص راح قلك كل يوم اشتقتلك مادام بتحبي هالكلمة
اكيد راح ارجع اسئلك مرة تانية
بس اعطي فرصة للبقية يقوموا بالمهمة
وراح تكون اسئلتي كتير صعبة حضري حالك

شكرا مرة تانية على صدق اجوبتك
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **loloa** الأربعاء نوفمبر 18, 2009 6:08 pm

شكرا هادي

من طرف **wael** الأربعاء نوفمبر 18, 2009 8:09 pm

باقة ورد لمن تهديها ...؟؟

شخص لاترفض له طلبا ..؟؟

من هو توأم روحك ...؟؟

مالذي يشعرك بأكثر قدر من الحرج...
حمامة زاجل استقرت على نافذتك تحمل رسالة من مجهول
فممن تتمنى ان تكون...؟؟

من هو العضو اللي يستحق انه تقول عنه محبوب بين الاعضاء
؟
مين بنظرك بيعمل بجهد بالمنتدى

هل ندمت في حياتك على شي معيّــن ؟؟؟مالفـرق بينالحب والصداقة ؟ وهل يمكن ان يسلكا طرق الغيرة 00؟

_ما
رأيك بهذه الكلمات
..
الخيانة ..
المرأه..
الصداقة ..
الرجل..
النميمة ..
النفاق ..

الأمنية
اللي تتمناها ... ؟شو
أصعب المواقف اللي مريت بها؟شو
موقفك من الحب ؟؟ وهل جربته ؟؟ هل تأمن بوجوده ؟؟

ماهو مثلك الاعلى في الحياة ؟؟

بتمنى تكون اسئلتي خفيفة لولا

لانو للموضوع بقية....

من طرف **loloa** الأربعاء نوفمبر 18, 2009 9:34 pm

باقة ورد لمن تهديها ...؟؟

لأصحابي بالمنتدى لأنو عنجد بحس بفرح معكون
شخص لاترفض له طلبا ..؟؟
بابا
من هو توأم روحك ...؟؟
حبيبي
مالذي يشعرك بأكثر قدر من الحرج...
اني احكي بطريقة غلط
حمامة زاجل استقرت على نافذتك تحمل رسالة من مجهول
فممن تتمنى ان تكون...؟؟
من فارس احلامي ههههههه
من هو العضو اللي يستحق انه تقول عنه محبوب بين الاعضاء
؟
دمعة ملاك
مين بنظرك بيعمل بجهد بالمنتدى

سيلين مارح قول هادي لانو اكيد عم يعمل بجد بس سيلين بتلفت نظري كتير

هل ندمت في حياتك على شي معيّــن ؟؟؟مالفـرق بينالحب والصداقة ؟ وهل يمكن ان يسلكا طرق الغيرة 00؟
لا مابندم بتعلم من غلطي لانو الندم مابيفيد
الحب حلو وبيعذب بنفس الوقت
الصداقة اصدق شعور ومافيها عذاب والصديق بيخففلك عذاب الحب
_ما
رأيك بهذه الكلمات
..
الخيانة
اكتر شي بكرهو الخيانة وخاصة من صديق كتير صعبة تأمن لحدا ويغدر فيك ..
المرأه
بحب المرأة بزيت مو بسمنة
ماحدا بيقول عن زيتو عكر
الصداقة
انبل علاقة اذا كانت صح
الرجل
حب وحماية وقوة
النميمة
صفة كتير بشعة ومافيني احترم يلي بنمو

الأمنية
اللي تتمناها ... ؟
بتمنى اختص بالمسرح
شو
أصعب المواقف اللي مريت بها؟
اختيار بين أغلى شخصين بحياتي
شو
موقفك من الحب ؟؟
الحب اسممى شعور ومافينا نعيش من دونو والحب الحقيقي موجود بس لازم نختار صح
وهل جربته ؟؟
نعم
هل تأمن بوجوده ؟؟
أكيد

ماهو مثلك الاعلى في الحياة ؟؟
أكون أو لا أكون

شكرا وائل كتير
تعبتنييييييييي

من طرف **hadideeb** الأربعاء نوفمبر 18, 2009 11:16 pm

[ندعوك للتسجيل في المنتدى أو التعريف بنفسك لمعاينة هذه الصورة]

___________

[center]بالمنتدى loalaاحلى

هي أسئلة عميقة يجب الرد عليها بتروي وحكمة

لانها ستعني لك الكثير

السؤال الاول
هل تسمحي لأحد بأن يأخذ الأولوية
في حياتك حتي وأن علمتي أنكي أنتي خياراً ثانوياً في حياته...؟

السؤال الثاني
هل تبكي على أي علاقة في الحياة
حتي وأن علمتي أن الذي تبكي من أجله لا يستحق دموعك؟؟
وأكيد تعلمي أن الشخص الذي يستحق دموعك لن يدعك تبكي أبداً....

السؤال الثالث
هل تعامِلي الجميع بلطف وتهذيب حتى الناس الوقحين معك؟؟

السؤال الرابع
هل تبحثين عن سعادتك في الآخرين أم تبحثين عنها داخل نفسك؟..علماً بأن البحث
الاول ستجدي نفسك فيه وحيدةً وحزينةً والبحث الثاني ستشعرين فيه بالسعادة حتى
لو بقيتي وحيدةً..

السؤال الخامس
هل تشاركين الاخرين سعادتك التي تحمليها بين يديك الصغيرتين حتي وأن كانت ضئيلة ؟؟

إذ ربما بمشاركتك لهم سعادتك تصبح كبيرة وثمينة
________
كمان الي عودة معك لولا الكريمة
[/center]

من طرف **loloa** الخميس نوفمبر 19, 2009 5:55 pm

السؤال الاول
هل تسمحي لأحد بأن يأخذ الأولويةفي حياتك حتي وأن علمتي أنكي أنتي خياراً ثانوياً في حياته...؟
أكيد لا مابقبل كون ثانوية بشي ولا بحياة حدا
السؤال الثاني
هل تبكي على أي علاقة في الحياةحتي وأن علمتي أن الذي تبكي من أجله لا يستحق دموعك؟؟وأكيد تعلمي أن الشخص الذي يستحق دموعك لن يدعك تبكي أبداً....
أكيد مابروح دموعي على شي رخيص
الحياة تجارب ومو كل تجربة فاشلة لازم نبكي عليها بالعكس لازم بعد الفشل نبدأ من جديد لحتى نلاقي من يستحق دموعنا الغالية

السؤال الثالث
هل تعامِلي الجميع بلطف وتهذيب حتى الناس الوقحين معك؟؟
أكيد لأنو الانسان بيتصرف حسب أخلاقو مو حسب أخلاق الأخرين

السؤال الرابع
هل تبحثين عن سعادتك في الآخرين أم تبحثين عنها داخل نفسك؟..علماً بأن البحث
الاول ستجدي نفسك فيه وحيدةً وحزينةً والبحث الثاني ستشعرين فيه بالسعادة حتى
لو بقيتي وحيدةً..
السعادة الداخلية هي الرضا عن النفس ومابتغني عن الأخرين
السعادة يلي بتستمدها من الأخرين هي بوجودون جمبك بحبون الك وحنانون وكمان مابتغنيك عن الأولى
بامتلاكك للسعادتين بتكون حققت السعادة الكاملة
مافينا نفكر انو وحدة منون بتسعدنا أكتر أو بتخسرنا
لأنو امتلاك لوحدة منون من دون التانية بتكون خسرت شي
لأنو مافينا نعيش بلا الرضا عن انفسنا ولا فينا نعيش من دون الاخرين

السؤال الخامس
هل تشاركين الاخرين سعادتك التي تحمليها بين يديك الصغيرتين حتي وأن كانت ضئيلة ؟؟

إذ ربما بمشاركتك لهم سعادتك تصبح كبيرة وثمينة

لما بتشارك الناس بسعادتك بتحسسون بالأمل واذا كانو بيحبوك بيفرحو كرمالك وبالتالي بيعطوك شعور اعمق لسعادتك

شكرا هادي لأسئلتك الرائعة بتمنى كون عطيتون حقون بأجوبتي

من طرف **hadideeb** الأحد نوفمبر 22, 2009 5:04 pm

صباحك عسل واحلى
عزيزتي لولا الظاهر بقية الاعضاء مش منبهين انك تحت المجهر
لهيك انا راح اقوم عنهم بالسؤال
والقي اذا بتلقي لولا

_______________ _______________ ________________

[ندعوك للتسجيل في المنتدى أو التعريف بنفسك لمعاينة هذه الصورة]
_______________ _________________ ____________

بعض الأسئلة أرجوا الشفافية في الأجوبة
ويمكنك التحفظ على بعضها حسب رغبتك
___________ _____________ ____________

1- اسمك الحقيقي

2- مكان الولادة

3- مكان الإقامة

4- العمل الحالي

5- الأمنية التي لم تحققيها

6- التحصيل العلمي

7- الطول + الوزن + اللون

8- مطربك ومطربتك المفضلين

9- ممثلك وممثلتك المحليين والعربيين والعالميين المضلين

10 - خدي نفس عميق بشو عم تفكري هلأ
__________ ______________ ____________
استراحة مع هدية

[ندعوك للتسجيل في المنتدى أو التعريف بنفسك لمعاينة هذه الصورة]

___________ ______________ _____________

بس كم سؤال بخفة دم

1- لو لم تكوني انت من تكونيين

2- شو بتحبي بفارس احلامك

3- شو هي اولويتك بالحياة

4- رتبي حسب الاولوية
1 الله - الدين - الوطن - العائلة - الاصدقاء - الحبيب الاب - الام - الاخوة - الاخوات - المنتدى - الاعضاء- النت - هادي ديب
_________ __________ _________

لا خلص تقلت عليك الحمل

كمان هدية مني الك عشان ما تسبيني من كتر الأسئلة

_______

[ندعوك للتسجيل في المنتدى أو التعريف بنفسك لمعاينة هذه الصورة]

________

لي عودة ثانية معك لولا الغالية

من طرف **loloa** الأحد نوفمبر 22, 2009 5:53 pm

1- اسمك الحقيقي
لوريس
2- مكان الولادة
دمشق
3- مكان الإقامة
دمشق
4- العمل الحالي
بمكتب سياحة وسفر
5- الأمنية التي لم تحققيها
صير وزيرة هههههههههه

6- التحصيل العلمي
سنة رابعة ادب انكليزي
7- الطول + الوزن + اللون
طولي 168
وزني مابعرف
لوني ابيض
8- مطربك ومطربتك المفضلين
فيروز - جورج وسوف
9- ممثلك وممثلتك المحليين والعربيين والعالميين المضلين
بسام كوسا - سلاف فواخرجي
احمد حلمي - ياسمين عبد العزيز
انجلينا جولي -جورج كلوني
1- لو لم تكوني انت من تكونيين
لا احد
2- شو بتحبي بفارس احلامك
الوعي والثقافة والرجولة
3- شو هي اولويتك بالحياة
العمل والدراسة
4- رتبي حسب الاولوية
1 الله - الدين - الوطن - العائلة - الاصدقاء - الحبيب الاب - الام - الاخوة - الاخوات - المنتدى - الاعضاء- النت - هادي ديب
الله - الوطن - الاب - الام - اخي- ماعندي اخوات- الاصدقاء- العائلة- هادي ديب - الاعضاء - المنتدى - النت

من طرف **wael** الأحد نوفمبر 22, 2009 8:58 pm

لولا
رجعنا وبتمنى ما تزعجك اسئلتي

1_ اعتذار
تريد ان تقدمه لمن؟
2_ ما ردة فعلك عندما يقول لك حبيبك : أحبك نعم أتزوجك لا ؟
3_ ماذا ستكتب لنا لتعبر عن حياتك التي عشتها الى الان في
كلمات قليله ؟
4_ اذا اردت ان تبكي الان , فعلى من تبكي؟
5_ من ستختار ليمسح دموعك ؟
6_لو خيروك بين حبيبك وبين اعز صديق فمن تختار ؟
بصراحه ؟

7_ هل تعتقد ان حظك سيئ؟

8_ هل هزمك حزنك في يوما من الايام؟
9_ ((مستحيل انساك)) لمن تقولها ؟
10_ (( اللي راح راح وماتفيد كلمة ياريت )) إذا أردت ان توجه
هذه العباره لنفسك, فماذا
تقصد بها ؟
11_ (( انت كل شيء بحياتي )) لمن تقولها ؟
12_ متى اخر مره بكيت؟
13_ اي الدول تتمنى ان تزورها ؟
14_هل انت راضي عن نفسك ؟
15_بماذا تقر وتعترف أمامنا الان ؟

من طرف **loloa** الأحد نوفمبر 22, 2009 10:12 pm

1_ اعتذار
تريد ان تقدمه لمن؟
لنفسي
2_ ما ردة فعلك عندما يقول لك حبيبك : أحبك نعم أتزوجك لا ؟
انا قبل مابحبو رح كون بعرف رأيو فيني منيح واذا كان بيحترمني ببئا معو ومارح يقلي لا
اصلا يصحلو يتزوجني ههههههههه
3_ ماذا ستكتب لنا لتعبر عن حياتك التي عشتها الى الان في
كلمات قليله ؟
الحمد لله فيها الحلو وفيها المو حلو
الحياة صعبة بس لازم نلعبها صح
4_ اذا اردت ان تبكي الان , فعلى من تبكي؟
على حظي ياوائل
5_ من ستختار ليمسح دموعك ؟
بابا
6_لو خيروك بين حبيبك وبين اعز صديق فمن تختار ؟
بصراحه ؟
ممممممممم كتير صعبة
بختار الأفضل الي خسارتو مابتتعوض
7_ هل تعتقد ان حظك سيئ؟
اي كتير مو معقول شو منحوسة
8_ هل هزمك حزنك في يوما من الايام؟
لا اكيد
9_ ((مستحيل انساك)) لمن تقولها ؟
لحبيبي
10_ (( اللي راح راح وماتفيد كلمة ياريت )) إذا أردت ان توجه
هذه العباره لنفسك, فماذا
تقصد بها ؟
ندمت على اهمالي لدراستي تأخرت سنة بالجامعة
وعطول بقول لو اني ولو اني
بس بقول هالعبارة مشان بلش من جديد وماضيع علي وقت كمان
11_ (( انت كل شيء بحياتي )) لمن تقولها ؟
لبابا
12_ متى اخر مره بكيت؟
الصبح كنت مرضانة كتير
بس المرض بيبكيني

13_ اي الدول تتمنى ان تزورها ؟
ايطاليااااااااااا
14_هل انت راضي عن نفسك ؟
الحمد لله
15_بماذا تقر وتعترف أمامنا الان ؟
أقر واعترف وانا بكامل قواي العقلية
أني اول مرة بشترك بمنتدى وكتير حبيت هالمنتدى وبحبكون صرتو جزء مني

المخلصة لكم لولوا
ميرسي ياوائل

من طرف **دمعة ملاك** السبت ديسمبر 05, 2009 9:26 pm

صديقتي ما كنت حابة أسالك بس حبيت أعرف لولوا اكتر
يعني مو بس الشباب رح يسألوكي وانا كمان
1- شو هو حلم حياتك؟2- من شو بتخاف لولوا وشو بتكره ؟
3- متل ما لاحظت أبوكي أقرب شخص الك بس في أشياء ما منقدر نحكيا ل بابا أنت مين الشخص التاني يلي بتلجأيلوا بعد أبوكي ؟4- اذا بيوم لولوا تعرضت لموقف فرضا (بعيد الشر طبعا) وهل الموقف هزلا ثقتا العالية بنفسا لمين بتلجأ للمساعدتا بالازمة ؟5- أي الاشخاص بتفضل لولوا تتعامل معن وليش ؟

بتمنى ما كون تقلت عليكي بالاسئلة بس أكيد الي عودة

من طرف **loloa** الأحد ديسمبر 06, 2009 1:17 am

- شو هو حلم حياتك
جاوبت قبل انو بتمنى ختص بالمسرح

2- من شو بتخاف لولوا وشو بتكره ؟
بخاف من الغدر وبكرهو كتير لانو اصعب شعور
3- متل ما لاحظت أبوكي أقرب شخص الك بس في أشياء ما منقدر نحكيا ل بابا أنت مين الشخص التاني يلي بتلجأيلوا بعد أبوكي
بلجـأ لحبيبي يلي صار هلأ زوجي
؟4- اذا بيوم لولوا تعرضت لموقف فرضا (بعيد الشر طبعا) وهل الموقف هزلا ثقتا العالية بنفسا لمين بتلجأ للمساعدتا بالازمة
لله لأنو التقرب لله بيخفف كل الأزمات ومتل مامنقول ياهم لي رب كبير
؟5- أي الاشخاص بتفضل لولوا تتعامل معن وليش
الناس الواضحة والعفوية ولوكان تفكيرون غلط لأنو التعامل مع انسان واضح كتير سهل

شكرا ملاكي
اشتقتلك كتير

من طرف **hadideeb** الأحد ديسمبر 06, 2009 2:03 am

لولا الغالية

اجوبتك كتير صريحة وواضحة

تدل على شخصيتك القوية الوايقة

لهيك عندي شوية اسئلة محرجة بعض الشئ

ولكن عندي اصرار انك تجاوبي عليها بشفافية

_____ربما راح تلاقي اسئلة غريبة بس انت قدها لولا________

وهذي هي الاسئله

_______ _________ __________

وهذي هي الاسئله

1- من هو العضو اللي تتمنى تشوفه اون لاين اول ما بتدخلي المنتدى وتتضايق اذا مالقيته؟
2- من هو العضو اللي يهمك كتير لدرجة انه ممكن يمر على بالك وتفكر فيه وانت خارج المنتدى؟
3-من هو العضو اللي يهمك رضاه ومايهون عليك تزعله؟
4-من هو العضو اللي تتمنى تتواصل معاه اكثر مثلاً من خلال( الايميل، الماسنجر،....)؟
5-من هو العضو اللي تتمنى تتعرف عليه معرفة شخصية ويكون قريب منك؟
6- من هو العضو اللي تحبي تغيظيه وترفعي ضغطه...؟
7-من هو العضو الاكثر تميز في مشاركاته في نظرك؟
8-من هو العضو اللي يهمك يقرأ مشاركاتك؟
9- من هو العضو اللي تتمنى يرسلك رسالة خاصة في يوم؟
10-من هو العضو اللي تتمنى انه يجاوب على هالاسئلة؟

من طرف **عاطف** الأحد ديسمبر 06, 2009 2:59 am

انا عندى سوال واحد بس لى لولا وهو انى ملاحظ انك مش نشيطه زى الاول ومختفيه الايام دى

واحنا متعودين على نشاطك وموضوعاتك الحلوه فاياريت متحرمناش من وجودك

من طرف **loloa** الإثنين ديسمبر 07, 2009 9:15 pm

1- من هو العضو اللي تتمنى تشوفه اون لاين اول ما بتدخلي المنتدى وتتضايق اذا مالقيته؟
هادي
من هو العضو اللي يهمك كتير لدرجة انه ممكن يمر على بالك وتفكر فيه وانت خارج المنتدى؟
دمعة ملاك
-من هو العضو اللي يهمك رضاه ومايهون عليك تزعله؟
باربي
-من هو العضو اللي تتمنى تتواصل معاه اكثر مثلاً من خلال( الايميل، الماسنجر،....)
باربي

5-من هو العضو اللي تتمنى تتعرف عليه معرفة شخصية ويكون قريب منك؟
وائل ودمعة ملاك
6- من هو العضو اللي تحبي تغيظيه وترفعي ضغطه...؟
وسام
7-من هو العضو الاكثر تميز في مشاركاته في نظرك؟
سيلين
8-من هو العضو اللي يهمك يقرأ مشاركاتك؟
وجه القمر والجميع
- من هو العضو اللي تتمنى يرسلك رسالة خاصة في يوم؟
ميمي
10-من هو العضو اللي تتمنى انه يجاوب على هالاسئلة؟
نو كومينت

شكرا هادي
انا بحب جميع اعضاء المنتدى

من طرف **loloa** الإثنين ديسمبر 07, 2009 9:17 pm

نا عندى سوال واحد بس لى لولا وهو انى ملاحظ انك مش نشيطه زى الاول ومختفيه الايام دى

شكرا عاطف كتير
انا تزوجت وانشغلت شوي
انشالله برجع متل الأول
شكرا عاطف لاهتمامك

من طرف **دمعة ملاك** الإثنين ديسمبر 07, 2009 9:25 pm

اي انشا الله الف مبروك يا احلى ملكة
وانشا الله منلتقي قريبا كمان
بس ما تطولي علينا لانو بجد ما حلو المنتدى بلا وجودك معنا

من طرف **loloa** الإثنين ديسمبر 07, 2009 9:27 pm

تسلمي ياملاكي
عقبالك انشالله

من طرف **دمعة ملاك** السبت ديسمبر 26, 2009 6:44 pm

ام اللول النا فترة مريحينك بما انك عروس جديدة
وانا رح اطرح عليكي اسئلة عادية
1- اي اكتر نوع من الورد بتحبية؟
2-شو الغنية يلي بتحبي تسمعيا كتير وشو ما سمعتيا ما بتملي منا
3- شو نوع العطر يلي بتفضلية
4-شو اللون المفضل عند الملكة
5-اذا كنتي عم تلعبي بلعبة الشطرنج شو بتحبي تكوني
6- اذا غمضتي عيونك مين الشخص يلي بتتمني بس فتحي عيونك تلاقي قدامك
7-لما بتلاقي حالك مخنوقة شو بتعملي
8-اذا استلمتي ادارة المنتدى شو بتغيري بهل المنتدى الحزين
هدول بس الاسئلة بس اكيد رح ارجع وأسئلة كم سؤال يا ملكة وبتمنى ما كون غليظكة بالاسئلة

من طرف **loloa** الأحد ديسمبر 27, 2009 3:41 pm

1- اي اكتر نوع من الورد بتحبية؟
بحب الياسمين اكيد ياسمين الشام

-شو الغنية يلي بتحبي تسمعيا كتير وشو ما سمعتيا ما بتملي منا
لو في انا انساك وعيش بحرية
بقلك فيي بس مافيي شيلك من قلبي وعيني

3- شو نوع العطر يلي بتفضلية
بحب الشي الجديد اي عطر حلو
4-شو اللون المفضل عند الملكة
الأسود ملك الألوان
5-اذا كنتي عم تلعبي بلعبة الشطرنج شو بتحبي تكوني
الملك
6- اذا غمضتي عيونك مين الشخص يلي بتتمني بس فتحي عيونك تلاقي قدامك
كريستيانو رونالدو ههههههههه

7
-لما بتلاقي حالك مخنوقة شو بتعملي
بحب كون لحالي وابكي بعدين برتاح كتير

8-اذا استلمتي ادارة المنتدى شو بتغيري بهل المنتدى الحزين
بتصير كل المواضيع فرح وجريئة
شكرا عالأسئلة يا أميرة كل النجمات
بحبك ياملاكي كتير

من طرف **hadideeb** الثلاثاء يناير 05, 2010 6:16 pm

مرحبـــــــــــــــــــــــــــا
[ندعوك للتسجيل في المنتدى أو التعريف بنفسك لمعاينة هذه الصورة]

والف مبروك الزواج وعقبال البكاري

بعض الاسئلة وبعدين برتاحي ومنحط غيرك تحت المجهر

______________

1- ما الفرق بين حياة المتزوجة وحياة العازبة كونك خضتي التجربة حديثاً
2- هل تشعرين بالغربة وانت خارج سوريا
3-بمن تفكرين وانت بالخارج
4-هل ستطول اقامتك بالخارج
5-انا مسافر برا سوريا هل استاهل منك دعوة صادقة

تمنياتي لك بعام سعيد ومليئ بالحب والتفاهم ويا ريت نشرف عندك بيبي يشبهك ويربى بعزك
[ندعوك للتسجيل في المنتدى أو التعريف بنفسك لمعاينة هذه الصورة]

من طرف ???? السبت يناير 09, 2010 8:59 am

موضوع جميل

من طرف **loloa** الأحد يناير 24, 2010 9:09 pm

ما الفرق بين حياة المتزوجة وحياة العازبة كونك خضتي التجربة حديثاً
حياة العازبة حرة ومافيها مسؤولية
حياة المتزوجة مسؤولية بس أحلى لأنو معها شريك بحياتها بقاسمها كل شي الحلو والمر
2- هل تشعرين بالغربة وانت خارج سوريا
مو كتير لأنو سوريا بقلبي وبلدي مو مجرد ارض هي احساس كبير بتحسو وين ماكنت
اكيد بشتقلها وبشتاق لهواها وترابها
مافي أجمل من الوطن

3-بمن تفكرين وانت بالخارج
بكل من أحب

4-هل ستطول اقامتك بالخارج
انشالله لا

5-انا مسافر برا سوريا هل استاهل منك دعوة صادقة
بتستاهل مني ومن كل شخص اصدق الدعوات

شكرا هادي الله يوفقك وين ماكنت

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي