حماصنة وبس.....

1.
ليش الحماصنة بيكتبو ع نمر سياراتهم الوثبة أو الكرامة
لأنو الشوام بيكتبوا ع النمرة الجيش أو الشرطة


2.
ليش الحمصي بيركب الصوبيا برة ؟ لأنو برة أبرد


3.
حمصي أبوه وأمو حلبية وساكن بالشام


4.
واحد مستشرق راح ع حمص رجع مستغرب


5.
حمصي شاف سيارة مكتوب عليها احذر الدهان قام صفن شوي
وقال :آآه أحمر


6.
حماصنة رايحين ع الحج قلن شيخهم يلا يا شباب كل ما عجلنا
بالحج كل ما لحقنا العيد بحمص


7.
حمصي لحق حرامي قام سبقو


8.
حمصي شاف دورة مياه قام سجل فيها


9.
ليش الحمصي بياخد الدوا قبل موعدها ؟منشان يفاجىء
الجراثيم


10. ليش الحمصي بيلحق سيارة
الزبالة ؟تيقلو للشوفير إنو في تنين معلقين من ورا


11. حمصي لاقى ليرة مطعوجة
اخدها وصلحها بعشر ليرات


12. حمصي ومرتو تبنوا ولد
هندي وصاروا يتعلموا هندي منشان بس يكبر يفهموا عليه


13. حمصي عرف إنو تلفونو
مراقب قام صار يحكي وهو ملثم


14. حمصي باع التلفزيون
واشترى دش


15. لبناني بالحج عطس قام
قلوسعودي : يرحمكم الله رد اللبناني :حبيب ألبي


16. أحول تزوج ع مرتو طلعت
هي نفسا


17. سألو حمصي شو كلفتك
رحلتك عالحج ؟ قلن شي 10000 ل غير المشروب


18. حمصي فتح محل تلج وكتب
عاللافتة لدينا ثلج بارد جدا


19. حمصي شلح حبيبتو بوردة
ماتت ليش ؟ نسي ما شال المزهرية


20. حمصي ميدور ع مترجم ليش
؟ لأنو ركب حمام فرنجي


21. حمصي سأل شي عشر دكنجية
اذا بيعرفو انكليزي والكل يقلو لأ وآخر شي سأل دكنجي بتعرف انكليزي قلو نعم قلو
الحمصي : أي اعطيني باكية وينستون


22. حمصي خرب صباطو راح ع
الكندرجي وخيطو بعد اسبوع شافو مشي حالو راح فك القطب


23. اتنين حماصنة بالسيارة
قلو الأول انزل شفلي اذا الغماز شغال نزل التاني وقلو أي لأ أي لأ أي لأ


24. حمصي راح ع الدكتور قلو
كل يوم بتمشي 5 كم بعد شهر اتصل فيه وقلو يا دكتور هلق وصلت ع الشام شو بعمل


25. حمصي راح عالبحر بعت
صورة لأهلو بالميوه راحو بعتولو تياب


26. حمصي تجوز تاني يوم
العرس قلا لأمو : الله يخليكي خليها تجي
بكرة كمان


27. بخيل دهن نص بيتو أبيض
وكتب ع النص الباقي نفس اللون


28. حمصي لبس صباط فردة
حمرة والتانية سودة قلو رفيقو : أي شو هالصباط الحلو قلو لسة عندي واحد متلو
بالبيت


29. كيف بتعرف الشغالة
الحمصية ؟ بتشطف المصعد بكل طابق


30. الحماصنة عملو معمل تلج
سموه : معمل حمص للمياه اليابسة


31. حماصنة عملوا مظاهرة
ولبسو واحد بوش وحرقوه


32. فتوى حمصية [يجب صيام
الأثنين والخميس في رمضان ففيهم يتضاعف الأجر ]


33. 10 حماصنة انكمشو لأنو كانو ميشمو اسمنت ابيض


34. دكتور حمصي ضحى بالجنين
والأم تتنجح العملية


35. ثبت العيد بحمص بعد
رؤية هلال شوال على سيارة الهلال الأحمر


36. حمصي قدم عريضة طلعت
رفيعة


37. حمصي رسم دائرة وعين
حالو فيها


38. حمصي ميطلع بالمراية
وفوق عينو فيه حبة وميسأل حالو هلق هاي عين ولا غين


39. حمصي دق ع ألإستعلامات
وقلا للموظفة قديش رقم الإطفاء قالتلو 999 قلا بس ما في ع جهازي غير 9 وحدة قالتلو
شو الأخ حمصي قلا ومركبة كاشف يا ملعونة


40. 4 حماصنة ميلعبو ع الأوستراد اللي بيندعس مرتين بيطلع برة


41. حمصي اشترى كمبيوتر كب
الزرار وركب بدالن سحاب


42. حمصي شاف صيني قال
هنيال ربو هادا شبعان نوم


43. حمصي سمع أنو الجلد
موضة السنة راح مشي مسلخ


44. حمصي عزموه على حفلة
تنكرية قام بعت أخوه


45. حمصي راح ع مؤتمر مكتوب
ممنوع إدخال الموبايل قال الحمد لله انا بايل وجاي


46. ليش الحمصي بياخد معو
مفك براغي ع الصحراء ؟ بلكي لزمو


47. حمصي اشترى بطانية نام
بكير ليجربها


48. حمصي حب يفاجىء مراتو
بعيد ميلادها قام طلقها


49. حمصي قلو لرفيقو يازلمة
أنا بس اشرب قهوة ماعاد فيني نام قام قلو : يا زلمة أنا بعكسك بس نام ماعاد فيني
أشرب قهوة

حماضنة وما في اجمل من هيك
يسلمو ايديك يارب
حلوين كتير كتير

ههههههههه
حلوين جدا وائل
تسلم ايدك

[ندعوك للتسجيل في المنتدى أو التعريف بنفسك لمعاينة هذه الصورة]
تسلم ايدك وائل

[ندعوك للتسجيل في المنتدى أو التعريف بنفسك لمعاينة هذه الصورة]ههههههه
الله يعطيك العافيه