تراث: حكاية ستي عن الضيعة

من طرف **شادي** الأحد مارس 14, 2010 9:23 am

ياستي شوية عليمنا
عن ضيعة أهالينا
حكيلي عنها حكايا كتير ومن العين شربينا
كان في تحت الضيعة عين العشاق يمشو تنين تنين
البنت تعبي نقلتين ويقولو بلله اسقينا
عالعين المشوار يعمر وبعدو يروحوا علبيدر
يقولوا وين بدنا نسهر عند الغالي خيينا

هالعين التحت التلة تعبي بنية وتملي
تقلا اما لا تملي والله من عندو يعينا
كانت مية العين تسيل للشرب وللغسيل
الصبية تعبي وتميل وتعزم كل محبينا
بضيعتنا فيها زواريب للغريب و للقريب
وسهرتنا عند الحبيب وتحيا فيها غنا نينا
كانت بيوتا من طين وكل سنة بدها تطيين
ويكتر وقتا المحبين وما حدا يدرا فينا
مريم تعبي الراوي يلاقيلا ابن الشاوي
ويقلا علاشو جاي الليلة ما بتعزمينا !!!!
واثناء موسم الفلاحة ما تشوف وحدة مرتاحة
والتعب بدو يرياحة ومن الصبر بيعينا
والحيلين العل البيدر الحنطة بقلبوا تدردر
القصلات كلا تتكسر ويقلا تعبتينا

وكل جمعة عرس يصير تلاقي المعازيم كتير
والعروس لبسا حرير اخر لبس فصاتينا
تلاقي العالم مجتمعة بدار العريس عالسمعا
وعا خد العروس دمعا عالا فراق متيعينا
وبو عيسى يقلون ردو عليي والفرح هدو
والعريس والله بدو بوسة بلكي بتعطينا
الفرح يومين وتلاتي وانتي يانور حياتي
وعالدبكة ايدك هاتي لنسمع غنانينا
تبقى يجيبولو الحلاق هالرجال وهالرفاق
ويندار الحني بطباق يلله نحني ايدينا
اهلو يحطولو المونة وكلن اهل المعونة
يقلا وحدك بتموني انشالله بعمري ما بهينا
بدارو كلن مجتمعين الغوالي احلا محبين
ويطلب من رب المعين ليشمت حدا فينا

من طرف ???? الأحد مارس 14, 2010 9:39 am

[ندعوك للتسجيل في المنتدى أو التعريف بنفسك لمعاينة هذه الصورة] شادى

من طرف **شادي** الأحد مارس 14, 2010 7:07 pm

منورة يا نور

من طرف **دمعة ملاك** الأحد مارس 14, 2010 7:36 pm

بيتك يا ستي الختيارة

بيذكرني ببيت ستي

نبقى ترندحلي اشعارا

والدنيي عم بتشتي

ما في اجمل من الذكريات الجميلة
شكرا كتير شادي عم تذكرنا بجد باحلى ايام ممكن للشخص يعيشا