رباعيات صلاح جاهين

من طرف **جنه الاحزان** الأحد يوليو 05, 2009 1:39 am

من شده اعجابى بصلاح جاهين فانا من عشاقه سانقل لكم رباعياته ع حلقات للاستمتاع بها سويا

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

مستنيه الردود..............................

من طرف **hadideeb** الأحد يوليو 05, 2009 3:17 am

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

________________

[color=orange]والله كلام كتير جميل وعم يصير معنا كل يوم
يا ريت دائماً تتحفينا بكل اشعاره عشان والله بتنحب
تقبلي مروري مع فائق ودي وتقديري
Embarassed

[/color

]

من طرف **جنه الاحزان** الإثنين يوليو 06, 2009 5:49 am

شكرا هادى برضوا فين الردود

من طرف **hadideeb** الإثنين يوليو 06, 2009 11:26 pm

الصبر مفتاح الفرج
واكيد هو نفسه مفتاح النجاح
صبرا جميلا وبالله المستعان
لا حياة مع اليأس جنة

طولي بالك على الاعضاء الكرام

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **ashrafeldalil** الثلاثاء يوليو 07, 2009 11:36 pm

انا كمان عندى روبشيات خاصة بى منها
صحيح فقير
لكن غنى باخلاقى
وان بعتك يوم ياضمير
يفضلى ايه باقى
جنه الاحزان
جميل ان نتاثر بالاخرين
ولكن الاجمل ان نؤثر نحن فيهم
تحياتى واعجابىاشرف الدليل

من طرف **tofek11** الأربعاء يوليو 08, 2009 4:08 am

:roll: جنه .أشرف ..تخاطبكم الراقي دليل رقي أخلاقكم ..دمتم

[b]إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

ووعجبي

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

[/size][/b]

شكرا لمروركم جميعا توةفيق دى اشعار صلاح جاهين مش اشعارى ان شاء الله هاكتب مجموعه خواطر اتمنى تبقا تقراها

يتـــــــــــــــــــــــــــبع

من طرف **tofek11** الأربعاء يوليو 08, 2009 4:40 am

أقلع غماك ياتور
أكسر تروس الساقيه
لم أفهم معناهم

التور لما يتربط ف ساقيه لازم نغمى عنييه لو شاف خياله يقع تروس الساقيه يعنى اسنان الساقيه
وهنا الشاعر بيرمز للانسان اللى بيتفرض عليه حاجات ف حياته ومع ذلك بينفذها بدون تفكير

من طرف **tofek11** الأربعاء يوليو 08, 2009 5:00 am

:lol: شكرا لكي على الشرح
زيدينا عطاء

[size=18][/لي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!
size]

من طرف **ميمي** الخميس يوليو 09, 2009 9:45 pm

شكرا جنة الاحزان

وبالتوفيق ان شاء الله

من طرف **جنه الاحزان** السبت يوليو 11, 2009 8:14 am

شكرا لمرورك ميمى

من طرف **hadideeb** السبت يوليو 11, 2009 11:30 pm

جنه الاحزان كتب:
[/لي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!
size]

[size=24]

بكل الاعجاب بالاشعار الحلوة ارد عليك راجيا تقبل مروري مع فائق ودي وتقديري لك

من طرف **جنه الاحزان** الأحد يوليو 12, 2009 2:32 am

وجودك يشرفنى هادى

من طرف **جنه الاحزان** الأحد يوليو 12, 2009 2:37 am

[size=يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!

وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!

الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!18][/size]

من طرف **شادي** الجمعة أغسطس 14, 2009 9:46 am

جنه الاحزان كتب:من شده اعجابى بصلاح جاهين فانا من عشاقه سانقل لكم رباعياته ع حلقات للاستمتاع بها سويا

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

مستنيه الردود..............................

من طرف **جنه الاحزان** الخميس أكتوبر 08, 2009 9:19 am

مع ان كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقى ناس اشرار وناس طيبين
وعجبى

عجبى عليك......عجبى عليك يازمن
با ابو البدع يا مبكى عينى دماً
إزاى انا اختار لروحى طريق
وانا اللى داخل في الحياه مرغماً
وعجبى

مرغم عليك يا صبح مغصوب يا ليل
لا دخلتها برجليا ولا كانلى ميل
شايلنى شيل دخلت انا ف الحياه
وبكره هاخرج منها شايلنى شيل
وعجبى

سنوات وفايته عليا فوج بعد فوج
واحده خدتنى إبن والتانيه خدتنى زوج
والتالته خدتنى أب والرابعه إيه
إيه يعمل اللى بيحدفه موج لموج ؟
وعجبى

من طرف **hadideeb** الخميس أكتوبر 08, 2009 2:39 pm

تسلمي جنة
ويا ريت ما تحرمينا ابدا من راوئع
الشاعر الكبير صلاح شاهين

منورة
تقبلي مروري مع خالص ودي وتقديري

من طرف **جنه الاحزان** الأحد أكتوبر 11, 2009 5:53 am

وانا فى الضلام من غير شعاع يهتكه
اقف مكانى بخوف ولا اتركــــه
ولما يجى النور واشوف الروب
احتار زياده ايهــــم اسلكـــــه؟
عجبى

نظرت فى الملكوت كتير وانشغلت
وبكل كلمه..ليه...وعشانيه سألت
أسال سؤال الرد يرجع سؤال
واخرج وحيرتى أشد مما دخلت
عجبى

خرج ابن ادم من العدم قولت يااه
رجع ابن ادم للعدم قولت يااه
تراب بيحيا وحى بيصير تراب
الاصل هو الموت ولا الحياه
عجبى

ضريح رخام فيه السعيد اندفن
وحفره فيها شريد من غير كفن
مريت عليهم قولت ياللعجب
الاتنين ريحتهم فيها نفس العفن
عجبى

من طرف **عاطف** الأحد أكتوبر 11, 2009 6:01 am

يسلام عليكى يا اخت جنه
تسلم ايديكى
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **جنه الاحزان** الأحد أكتوبر 11, 2009 6:04 am

ميرسى استاذ عاطف

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي