كلام اللسان

عليك قلبي من حرقة الشوق خفاق..

للكاتبه عيونك دنــــــــــــــياي



هذي أول رواية اكتبها أتمنى أنها تعجبكم.كتبتها من أحساس بقلبي للحب وللمشاعر إلي قبله ..والمشاعر إلي تخالطه . وهم المشاعر إلي تتبعه من شوق وعذاب ولقاء وفراق وحزن وفرح المشاعر كثيرة في الحب ..لكن من إلي يصفى له هالحب بمباركة الدنيا له .ومن إلي راح يتحداها عشان يكمل حبه سواء بمباركتها أو لا ..الحب شي عظيم يخلد في النفس ..يتكون بالقلب ..تهب له المشاعر بفزعه مع القلب إلي مو محتمل هالشي لحاله.. تتفق الأفكار باتفاقية عدم التفكير في سواه ..وترسل العيون كلام اللسان إلي يتردد باسم الحب لكل إلي حوليها ..إحساس لايوصف وأمنيات في الخيال!!!!!!!

هــــــــــــــــــــــــل جربتم الحب؟؟؟؟؟؟؟؟؟؟؟؟؟؟؟؟؟؟؟؟؟

هـــــل جربتم الإحساس إلي نعيش فيه مع كل لحظه من هالحب ؟؟؟

هل جربتم الــــــــــــــــــــــــــــــــــشـــــــــــــ ــــــــــــــــــــــــــــــــــــــــوق؟؟وحرقته ؟؟؟؟؟؟

حرقة شوق القلب هي عنوان هالروايه ..............إلي أتمنى تقرونها وتردون علي فيها برأيكم





..عليك قلبي من حرقة الـــشوق خفاق..


(عايلة محمد بن عبدالله الله يرحمه)

أم نواف : بدريه عانت بحياتها كثير طيبه وحبوبه

بعد وفاة أبوها جابت أخوها تركي وأختها هنادي

يعيشون معها بالبيت..

نواف26سنه:الاخو الكبير إنسان طيب وسيم بجنان شخصيته

متوازنة الكل يحبه بس للأسف صار له حادث قبل سنتين

ونجى منه بس باعاقه مؤقتة مايقدر يمشي فتحطمت

أماله وانعزل عن الناس ..

سعود24 سنه:إنسان مرح متهور شوي خفيف دم يحب

حركات نص الكم ومع ذلك فهو أخلاق والكل يمدحه..

البندري20سنه: إنسانه حساسة راضعه مع خالتها هنادي

مرحه ومرحها ماخذتها من اصايل صديقتها إلي بنذكرها بعد شوي..

************************************************



(عايلة بدريه ومريم حريم الأخوان)

أم نواف بدريه :ذكرنها...

أم راكان مريم :لها ولدين بس بينهم اختلاف كبير بالاعمار بسب أنها

جابت الأول وتعبت وما كان في أمل تحمل وبعد 9 سنوات من الله عليها

وحملت وجابت بنت .

تركي23سنه:مع انه تحمل الهم من هو صغير إلا إن هالشي مااثر على شخصيته المرحه إنسان خفيف دم ومرح لأبعد الحدود حلو وجذاب كلامه حلو وما ينمل ..هنادي21سنه:راضعه مع البندري بنت أختها أم نواف إنسانه هاديه

ماتحب الشر والاذيه وتسمع كلام أختها أم نواف بأي قرار تبي تتخذه

***********************************************



(عايلة راشد بن عبدالله )

راشد:الأب بعد وفاة أخوانه محمد وعبدالعزيز كانت المسؤليه عليه

كبيره تولى الشغل الين ماسوى الشركة واهتم بعيال أخوانه وخصوصا

البندري وحنان.

أم فيصل:نوره ماعندها إلا خلود وفيصل خلود رضعتها مع اصايل بسبب

سفر أم اصايل للعمرة وتركت بنتها عند أم فيصل...

فيصل25 سنه:صديق تركي الروح بالروح ونفس صفات تركي له

يطبق مقولة (قولي من صديقك أقول لك من أنت)هه

خلود20سنه :إنسانه منعزلة شوي عن البنات إلي بسنها بالعايله مو غرور

لكن طبع ..

امه حصه: هذي الجده للعايله وكاي جده ضو للبيت وراحه تتنقل بين بيوت

عيالها الثلاثه تحب تنغز شوي ومع كل هذا فمثل ماقلت ضو للبيت ووناسه ولها

فقده ..(الله لايحرمكم من جداتكم)..



***************



(عايلة عبد العزيز بن عبدالله الله يرحمه)

أم راكان:مريم تكلمنا عنها ....

راكان28سنه:اكبر الشباب متزوج وحده اسمها دلال شافها لما كانت رايحه

مع اختها ايمان لمؤتمر طبي وكان هو في دوره تتطلب منه بحث في هذا المؤتمر اعجبته فسال عنها وعرف اهلها واول ماخلص دورته رد وخطبها....

.طبعا هو يدرس بأمريكا من هو بالثانوي فاثر هالشي على أفكاره شوي...

حنان19سنه:إنسانه تفوق الوصف هاديه حساسة ناعمة تتميز بجمال أخاذ

طبعا في فرق كبير بينها وبين أخوها فعلاقتها مو ذاك الزود لأنها من كبرت

وهي ماتشوفه بسب سفره للدراسة وهو مايطيق الدلع إلي محوطتها أمها

فيه بسب أنها الوحيدة إلي معها بالبيت ووصيت زوجها...



************************************************



( عايلة عبدالرحمن ولد عم الأخوان المذكورين)

عبدالرحمن: أب مثالي مايحب يتدخل بالخصوصيات إلي تخص عياله

كأي أب يحب عياله بس يخص اصايل بالغلاة وبتعرفون مع الروايه أنها

تستاهل هالغلاة...

أم طلال :عايشه إنسانه رائعة ربت بناتها أحسن تربيه وحلمها إلي مو

قادرة تتنازل عنه الحين هو تزويج ولدها...(وهذي سالفة كل أم )

طلال27 سنه:إنسان حنون يحن على أخته اصايل كثير وجالس

يستنى الفرج من حلم أمه بتزويجه...

نوره26 سنه:متزوجة من ولد خالتها خالد وعندها ولد اسمه مشعل ساكنه

بالشرقية وتجي كل فتره تزور أمها وأهلها حبوبه وطيبه

اصايل20 سنه: ملح هالعايله وحلاوتها إنسانه تجمع بشخصيتها الحب

والحساسية وخفة الدم والفرح ماينمل منها تجيب السعادة معها أخلاق

بالغصب تحببك فيها يدلعونها الأصيل والاصيله أكثر من أنهم ينادونها

باسمها ماعندها حدود في الحياة غريبة بعض الأحيان ومافي بقاموسها

كلمة لا أو كلمة صعب..(تعجبني هالشخصيه)...



***********************************************

@هاذي أخر عايله وهي مكونه من 3 أشخاص أو بمعنى اصح 3 بنات

تحملوا العذاب والشتات بسبب انفصال أبوهم عن أمهم هالانفصال إلي عقدهم

واثر على شخصياتهم وتصرفاتهم @..

إيمان 26 سنه:الأخت الكبيرة إنسانه كان لها حلم وتحطم فقررت دراسة الطب

والابتعاد عن هالحلم إلي نسته تشتغل بالطوارئ طبيبه عامه أبدعت بالشغل

فصارت تشتغل بمستشفيين واحد طبيبة طوارئ أطفال والثاني طبيبه عامه

للطوارئ وكانت تشاركها صديقتها إلي كانت بنفس الإبداع ومعها بنفس

المستشفيين ومعها بنفس سفرات المؤتمرات..

دلال22سنه :متزوجة راكان بنت دلوعة شوي اثر فيها الطلاق بين أبوها

وأمها وخلى فيها فكرة الخوف من الطلاق وإنها لازم ماتتطلق فعشان كذا

لازم تبعده عن أهله عشان يفضالها وما يفكر يروح لغيرها...$لاتلومونها $

جود 17 سنه:اصغر بنات العايله لأنها أكثر وحده اثر فيها هالطلاق

ماتعترف بوجود أم لها وأب وكل من سألها قالت مــــــاتــــــوا جرحها وحاجتها

لام ولأب كبيره بس تحاول تتجاوزها ..(كاسره خاطري)[/color]

^^هاذول الأبطال إلي راح يكونون معكم بهالروايه والباقين راح تعرفونهم بعدين^^^وراح يكون في بداية كل جزء رسالة من احد هالا فراد انتظروها..



************************************************** *





..عليك قلبي من حرقة الـــشوق خفاق..



#%$&الجزء الاول &$%#
**عندما يشاء القدر لنلتقي ببعض الأشخاص ولأول مره نراهم ونحس بعدها بشعور غريب يقتحم قلوبنا يبدأ بإعجاب وتفكير طويل وينتهي نهاية رائعة كيف لا أقول ذلك ونهايته.........؟؟

((فيصل))

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^



أم نواف تكلم أختها أم راكان إلي جايتها ..

بدريه/ طمنيني على راكان من زمان عنه يامريم إن شاء الله مبسوط مع مرته؟

أم راكان/ الحمدلله اليوم مكلمني هو وزوجته بخير.

بدريه/ ومتى بيرجع له الحين شهر وشوي.؟

أم راكان/ الظاهر مو راجع..

أم نواف مستغربه/ ليش؟؟؟

أم راكان /هو عنده دوره بعد 10 أيام في هولندا ويقول مو محرزه هالايام انه يجي وبعدين يرد لدورته ..

أم نواف/ غريبة دلال ماحنت لهلها وحنت عليه يرجعون تشوف اهلها..

ام راكان بحسره/ أي اهل امها وابوها كل واحد مشغول بدنيته هم مع جدتهم موضي هي واخواتها

هي ماصدقت تطلع لحياتها تقوليلها ارجعي!!

ام نواف/ اييه بس والله ماشاء الله عليها ايمان اخلاق وادب وجمال بس الحق ينقال دلال احلى

ام راكان/ اذا تبين الصدق ياختي هي صدق حلوه بس فيها شوية صفات ماعجبتني بس هذا ذوق

راكان وانا مالي خص ..

ام نواف/ اهم شي ادعيلهم ان الله يوفقهم بس متى تنتهي دورته؟

ام راكان/ والله مادري

ام نواف/ الله يرجعهم بالسلامه ويفرح عيونك فيه وفي حنان بعد..

ام راكان بابتسامه حلوه/ امييييييييييييين الله يسمع منك..



************************************************** *******



في غرفته كان جالس لحاله كالعاده يناظر من الشباك الكبير الي بغرفته يشوف الحديقه الي تحت نفسه يخرج ويروح ويجي مثل قبل بس مايقدر انحكم عليه يتم مشلول بعد الحادث الي سواه قبل سنتين ومن

ذاك الوقت وهو جالس بهالجناح بسبب اعاقته ........اندق الباب وانفتح وكان الي جاي تركي(خاله)



نواف/ هلا تركي حياك تفضل

تركي إلي كان واقف عند الباب/أولا قول خالي تركي وإلا ماتعرف تقولها؟؟؟

نواف بتطنيش/الشيخ أستريح بس ولا يكثر اصغر مني وتبيني أقولك ياخال

تركي/ بنمشها لك هالمره بس عشاني أبيك بشغله ..

نواف بحزن واضح/ تبي مني أساعدك . شتبي من واحد مشلول مايقدر....

قاطعه تركي/نواف الشلل مو معناة أن الحياة انتهت كثير مشلولين مارسوا حياتهم عادي وسووا أشياء ماسووها الطبيعيين .بعدين احمد ربك إن إعاقتك برجلك بس ..مو بالعامود الفقري ولا بالجسم كله..

نواف يناظر بالأرض وبحرقه/ تركي أنت ماتعرف إحساس انك تفقد قدرتك على المشي!.



تركي جلس عند رجول نواف ورفع رأس نواف/ اعرف انه إحساس صعب بس تقدر تتغلب عليه وأنا أبيك تساعدني وإلا بخلان ؟؟؟.......

نواف بابتسامه هاديه/ أمر وش بغيت؟

تركي/ أبيك تخرج معي نشم هوى ياخوي ...

نواف صد عن تركي وهو يمشي بالكرسي بيروح للشباك/ أسف بس أنت عارف رأيي بهالموضوع..

تركي وهو معصب شوي/ ياخي لك سنتين وأنت جالس بهالغرفه مامليت؟

ماحسيت بأمك إلي مناها تشوفك راجع نواف الأولي ؟؟

نواف / نواف الأولي راح لما صار له الحادث وصار معاق مشلول



تركي/ردينا على طير يالي ورجع يقولي مشلول ومعاق ياخي هالأعاقه إلي مسببه لك هالازمه مؤقته مو دائمة وأنت من دريت بإعاقتك مارضيت تروح ولاجلسه إلا الجلسة الأولى ومن تعبت فيها ماعد رحت لازم تتعب عشان تقدر تمشي

نواف/ تركي أنا ادري إني ماراح امشي مره ثانيه ولا ادري سبب إصرارك إني أتعالج لكن أنا بطلع عك هالمره لأني أحس إني مختنق..

تركي والابتسامة ماليه وجهه/ تتكلم من جد ؟ (هز نواف راسه ) يله اجل أنا بطلع غير ملابسك وبأخذك على أحلى طلعه طلعتها بحياتك.. وطلع



نواف ناظر بالمرايه يمكن هو تسرع انه وافق انه يطلع مع تركي لأنه إذا بيطلع لازم يتحمل كلام الناس إلي فيه شفقه له وهو مايحب هالشيء بس ليش يفكر بتشاؤم هو بيطلع وبيتحمل كلام الناس لأنه تعب من هالحكره طلع له ملابس وغير ملابسه وتكشخ وتعطر حس انه إنسان جديد ابتسم لنفسه بعد ماشاف نفسه بالمرايه وطلع من غرفته وطلع من جناحه واستغرب من إلي شافه

لقى أمه وخالته مريم وهنادي وتركي والبندري

ومن شافته أمه بكت أما البندري فركضت له تضمه



قربت أمه منه ..

نواف/ يمه ليش هالدموع؟؟

أم نواف/ ياوليدي لي سنتين ماشفتك تطلع من هالباب والحمد الله ان تركي قدر يقنعك هالمره..

البندري/ من جد يالغالي فرحت لك انك قررت تطلع من عزلتك.

هنادي /الحمدالله يالغالي تسلم شوف كيف فرحت قلوبنا بهالطلعه

تركي يبتسم بغرور/ اقناعي واسلوبي هو الي خلاه يطلع اشكروني ...



نواف يناظر تركي بابتسامة غرور كبيره/ لاتمدح نفسك ويله ننزل لا اغير رايي

تركي بخوف/ تسويها عاد انت يله بسرعه

جلس نواف يضحك عليه ونزلو ولاول مره راح يطلع نواف من البيت..



************************************************** ************

في بيت عبد العزيز بن عبد الله



حنان/ صدق يمه قولي والله ان نواف طلع.

ام راكان/ ايه يابنتي طلع خالك مانزل الا وياه ولو شفتي فرحت خالتك فيه الحمدالله على كل شي..

حنان/ ياه يايمه من صارله الحادث ما شفناه .

ام راكان/ مو من السهل الواحد يصير مايقدرانه يمشي

حنان/ الله يرحمه عمي هو وابوي من كان نواف صغير وهو يقول ان نواف مافي مثله من هو صغير وهو رجال يحترم الي حوله ويقدرهم كان امنيته عمي يشوفه رجال بس الله ماراد توفى حتى قبل ماتولد خالتي بدريه بالبندري..

ام راكان / الله يرحمه حتى ابوك مات وهو نفسه يشوفك كبيره وبيوم عرسك.له 8 سنين متوفي وللحين قلبي بينفطر من حزني عليه ..بس انت يشدراك بنواف وهوصغير؟؟

حنان / راكان معلمني..من قهره ان حتى ابوي يفضل نواف عليه مع انه اصغر منه

ام راكان/ على طاري راكان تراه دق يقول انه ماراح يرجع بيكمل دورته مره وحده.

حنان / كنت متوقعه بس انتي يايمه لاتكدرين على روحك لاني انا مستانسه اليوم مررررره

ام راكان /عساه دوم هالوناسه يالغاليه خلني اروح انام لي شوي تعبانه انا ساعه وصحييني

حنان/ان شاء الله ودخلت غرفتها وحطت راسها على السرير وبدت تسرح في عالم احلامها الي بدت تحس انها راح تتحقق



اخيـــــــــــــــــــــــــــــرا ققرت دنياي

تفرح قلبي المغرم.

سنين مرت اتعذب..

وجاني الفرح هذا اليـــــــــــــــــــــــــوم..



************************************************** ***********

في بيت عبد الرحمن .. الساعه 9 ونص





طلال/ يبه ترى الشباب بيجوني الليله ويسهرون عندي

ابوطلال/ حياهم بس مين الي بيجيك

طلال/ تركي وفيصل ولد عمي راشد ومعهم نواف

ابو طلال / نواف ولد محمد..

طلال/ ايه

نوره/ ماشاء الله من زمان عنه اول كل خميس يجي يسهر معك وبعدين انقطع طلال/ المهم هو بيجي اليوم ابيك يانوره انتي وامي تسون لنا ذاك العشى السنع الي ماينشبع منه

نوره/ ابشر من عيوني ..

طلال/ تسلمين لي والله.. وطلع وقابل اصايل بالطريق ابتسم لها ابتسامه حنونه وردت له بنفس الابتسامه ودخلت الصاله على طلعت ابوها ..

اصايل/ شعندك عشى ومن عيوني سمعتكم وانا نازله من الدرج شفيه؟؟؟

نوره/ شدخلك يالملقوفه سالفه بيني وبين اخوي.

اصايل/ لا والله من بيجي ..

نوره تستهبل تبي تقهرها/ محد جاي لاتلقفين اخوي يبيني اسويله عشى صدق القافه عرق فيك

اصايل / اف منك متى تروحين لرجلك وتفكينا

نوره تضحك على شكل اختها/ خلني اقوم عنك مالت عليك وعلى سوالفك اروح اسوي العشى ابرك وطلعت ..



فتحت اصايل جوالها بتدق على البندري لقت مكالمتين من البندري فقررت تصلي العشى وبعدين تكلمها وتطلع للحديقه زي العاده..دقت وشوي وردت البندري عليها..

البندري/ هلا يالبطه وينك ادق من اليوم وماتردين نايمه

اصايل / يمه منك يالبندوره الحين دقيتي مرتين وقلتي ادق من اليوم اجل لو خمس مرات شقلتي اكيد بتقولين لي شهر وانا ادق عليك..

البندري/ ههه عن السخافه شكلك مروقه اليوم

اصايل/ والله انا دوم مروقه مو مثلك وبعدين الجو خيال تعالي اليوم اسهري عندي بنجلس بالحديقه.

البندري/ الله وناسه حمستيني بكره خميس بجي واسهر عنك واتعشى بعد بس مو هذا الي داقه عشانه

اصايل/ ليش داقه شالجديد؟

البندري/ مادريتي؟؟؟؟؟

اصايل/ لا بس على ايدك بادري..

البندري قالتلها ان اخوها نواف طلع اليوم مع تركي من العصر وللحين مارجعوا

اصايل/ الحمد الله الله مايخلي حد بهالدنيا بس اما هالتركي خالكم شي

البندري بثقه/ اكيد مو خالي لازم يكون شي مهم

اصايل / مالت عليك انتي وخالك



عند الشباب الي ببيت طلال)))

دق جوال تركي .............



تركي/ عن إذنكم بكلم وارجع طلال تسمحلي

طلال/ البيت بيتك تفضل

طلع تركي يكلم صاحبه ابراهيم

تركي / هلا ابراهيم هاشسويت بالي قلتلك عليه..

ابراهيم/ والله شفته وعرفت اسامي الي معه وسالت عنهم

تركي/ وها كيفهم؟وعيال من؟؟؟

ابراهيم/ والله ياتركي الي يماشيهم ناس عاديين مامنهم خوف لكن في كم واحد كذا مخوفيني ما ارتحتلهم احس وراهم مصايب وبلاوي كبيره وانت تعرف احساسي مايخيب فحاول تبعده عن هالشله يكون احسن له ..

تركي كان يبي يطلع من البيت حس انه اختنق شوي ..

تركي/ طيب مشكور ياابراهيم ماتقصر يالغالي تعبناك

ابراهيم؟ لاتعب ولاشي يالغالي ويله اشوفك علا خير .....



صكر تركي من إبراهيم وكان معصب شوي وخايف على سعود من هالشله مالقى يصاحب الاهم قرر يطلع لسيارته يهدي شوي ويرجع للشباب وهو مار من عند الباب سمع احد يضحك في الحديقه ضحكه من قلب التفت لمصدر الصوت.. كانت اصايل تقول للبندري سالفه وميته ضحك وصوتها عالي شوي.....................تركي انغاض بحكم قرابته لهم هو مايدري هذي نوره ولااصايل بس شكلها صغيره اكيد اصايل ..مقهور تضحك وهي تدري ان المجلس فيه رجال صحيح الحديقه بعيده شوي والي بالمجلس مايشوف الي بالحديقه بس الحديقه قريبه من الباب والي طالع بيشوف الي بالحديقه لازم ينبها تدخل تجرىء شوي لف عليها ..



تركي تنحنح لين التفتت له / الشيخه قصري صوتك المجلس مليان رجــال وادخلي عن الفضايح جالسه عند باب الشارع...

اصايل بغت تموت من الفشله مانتبهت له الالما تنحنح نست البندري على الجوال بعد ماستوعبت دخلت البيت من الباب الي يودي المطبخ الي في الحديقه لقت اختها والشغاله في المطبخ صارخت على نوره/ انتي ليش ماقلتيلي ان بيجون رجال؟؟

نوره/ عساك قابلتيهم..

اصايل تحاول تهدي نفسها/ لا بس سمعت صوت احد يتكلم بيطلع برى للشارع ومره ثانيه قولولي عشان ماارز وجهي تقل بقره بالحديقه ..

نوره بشك وبنظرات مكر/ الاصيل متاكده ماقابلتي احد؟!

اصايل تحاول تبري نفسها/ ايه ليش مو مصدقه.....

وطلعت غرفتها وتذكرت البندري دقت عليها وعلمتها بالي صار لها وكانت امنيتها تعرف هذا مين تركي ولاسعود اويمكن واحد من زملا اخوها

البندري عرفت انه خالها تركي لان نواف اكيد بتعرفه وفيصل يصير اخوها ومستحيل يكون من زملاء طلال لانه ماراح يتجرا ويكلمها اكيد تركي بس ماراح تقولها..



طلع تركي لسيارته وهو ندمان انا مالي خص فيها ليش قلتلها هالكلام ..هذي اكيد اصايل بس انا كنت معصب من الاساس وشفتها اكملت ياربي صورتها ما راحت من عيوني حلوها وماشاء الله شعرها طويل وبصراحه تفتن ..هي هي انا شقاعد اخربط هذي اخت طلال عيب الي اسويه.. ضحك من خاطره لما تذكر كيف كان شكل اصايل لما كلمها ...



هدت أعصابه فرجع للرجال بالمجلس وتعشى هو ونواف وطلعوا وهم بالسياره كان لازم يكلم نواف .بموضوع سعود.......

تركي/ هالغالي استانست؟..

نواف/ من زمان ياتركي ماطلعت واليوم احس اني انسان مثلي مثلهم ..

تركي/هههههه ليش بالاول كنت حيوان ولانبات..

نواف /هههه لا والله من جد بالاول كنت احس انه مالي حق اطلع من البيت لاني مشلول بس اليوم حسيت انه لازم اطله واشم هوى واستانس بحياتي..

تركي بجديه/نواف اهلك محتاجينك ومو معناة انك ماتمشي فهم مستغنين عنك او انك ماتقدر تفيدهم لا..

نواف باستغراب/ ليش فيه شي ماعرفه وانت تعرفه عن البندري؟؟؟

تركي/ لا الغالي البندري ماينخاف عليها وبعدين ليش انت شاك فيها؟؟

نواف/ لا مو شاك ومستحيل اشك فيها لاكن انت تعرف ان البندري حساسه واكثر وحده فاقده للحنان لانها بنت ام حنى رجال نستحمل فقلت يمكن شاكيتلك ؟

تركي / لا لا مو البندري سعود!!!

نواف/ سعود.....شفيه؟

تركي/ تعرف يانواف ان اخوك متهور ومع ذلك عل نياته هو مصاحبله شله مو فاسده لا الحمدالله كلهم طيبين بس في كم واحد كذا ينخاف منهم ومايندرى وش وراهم واخاف سعود يتاثرمنهم

نواف/ والمطلوب مني امنعه يطلع مع هالشله..ماراح يسمعلي لاني مادري شاقولك

تركي/ مو تمنعه يانواف انت بمقام ابوه الله يرحمه كلمه بهدوء وحذره من انه يماشيهم بالهداوه بيقتنع

نواف/ يصير خير يله منت نازل للبيت.

تركي/ لا الغالي بروح ابيلي كمن غرض بجيبه واجي

نواف/ خلاص فمان الله

تركي/ فمان الكريم..



************************************************** ************************************************** ************************

في بيت راشد بن عبدالله





الجده حصه جالسه كالعاده في الصاله تقلب بالراديو حقها دخل عليها فيصل..

فيصل الي يعرف طبع جدته انها تحب الي يسلم يسلم سلام كامل والا ماراح ينجى من لسانها/ السلام عليكم ورحمة الله وبركاته يايمه حصه..

الجده تبتسم له/ وعليكم السلام ورحمة الله وبركاته

فيصل/ ليش يالغاليه جالسه لحالك؟

الجده/ كلن مشغول بحاله وحتى انا مشغوله قاعده اسمع اخبارالعالم الي من حولنا..

فيصل/ه حلوه ياقميل مثقف بعد ماقدر انا..

دخلت خلود وراحت لجدتها تسلم على راسها/ سلام .

فيصل في نفسه(هين مستحيل تعديها العجوز ياخلود)

الجده/ وانتي يهوديه ماتعرفين تسلمين؟

خلود/ سامحيني يمه حصه ولايهمك معد اعيدها بس هذا اختصار..

الجده/اختصار لعنبوا ابليسك حتى في السلام اختصار..مره ثانيه سلمي زين وبعدين وينك ليش ماشفتك اليوم..

خلود بابتسامه قلق من الي بيجيها/ كنت نايمه يايمه حصه

الجده/ لا اله الا الله انت عكس البشر كلهم يايمه الليل للنوم والنهار للقعده والشغل بس الشرهه

مو عليك على امك هالخبله..

هنا فيصل فطس ضحك جدته اليوم مروقه بزياده وعادتها لمن تروق تناقر خلود وتنتقل لامه

خلود تناظر فيصل وتتوعده وطلعت ودخل عليهم ابو فيصل وبعد ماسلم السلام الكامل

راح يحب راس امه هو ومرته ..

راشد/ شلونك يايمه

الجده: الحمدالله اسمع انا بكره بروح بيت محمد اخوك

راشد/ افا الغاليه ليش مو مرتاحه هنا

الجده تناظر مرة راشد/لا الي يقابلكم يرتاح

راشد/ مين زعلك اكيد فيصلوه ..

الجده/ خل عنك فيصل ماحد زعلني بس اناهنا دوم اجلس لحالي واحس ان البيت فاضي اما هناك ماشاء الله البيت مليان ..

نوره تناظر ام زوجها وباستهبال/ الا قولي انك تحبين وبدريه وتبينها

الجده تحارقها/ والله كلهم احبهم تناظر فيها تغايضها بدريه ومريم وهنادي وتركي وتناظر خلود الي دخلت حتى البندري ياحبيلها الجده حست انها تعبت لفت عليهم/ اقول تعبت وانا احارقكم لاتزعلين يام فيصل تراك غاليه بس اني احب اغايضك

فيصل جلس يضحك على جدته والكل ضحك معه

راشد/خلاص بكره الصبح يوديك فيصل لهم وانتي يانوره دقي وعلميهم

نوره ابشر الحين ادق.



************************************************** ************بيت محمد بن عبدالله



ام نواف تكلم شغالتها ميلينيا / روحي طلعي من البخور الجديد الي شريته قبل يومين وبخري غرفة امي حصه وتاكدي انها نظيفه..

ميلينيا/ حاضر ماما.

ام نواف/ ايه يمه روحي بعد للبندري وخذي من عندها المسجل الي شرته لامي حصه وخلها تحطه على اذاعة القراءن وشغلي التلفزيون على قناة المجد للقراءن خلاص يمه فهمتي تعبناك بس شنسوي هذي الغاليه امنا من ريحة الغالي..مع اني حاسه انك مو فاهمه شي

ميلينيا/ نو ماما انا م تعبانه هدي ريحة غالين انا في روه الحين اسوي الي قلتي عليه..وطلعت



البندري وهي تنزل من الدرج / مايحتاج انا شغلت التلفزيون وحطيت الراديوا على اذاعة القرءان وخليته جمب السرير ..

ام نواف/ هلا ببنيتي صاحيه بدري توها الساعه سبع.ونص

البندري/ يمه لازم اصحى بدري امي حصه اليوم بتجي ..

ام نواف/ شرايك بريحة هالعودالي ابخر فيها..

البندري/ جنان اذاخلصتي هاتي احطها فوق بغرفتي..

ام نواف/ خذيها خلصت باقي البخور الي تحبه امي حصه بتجيبه ميلينيا ببخر غرفتها فيه روحي حطيه بغرفتك..

وبعد ماحطت المبخره في غرفتها فتحت شعرها وجلست تمشطه بالفرشه وتعدله شعرها طويل لونه بني غامق وهي جالسه تدور على شباصه زينه في الدرج سمعت السياره تضرب بوري لفت على الساعه لقتها 8 بالظبط ناظرت من شباك غرفتها لقت سيارة بتدخل اكيد جدتها هاذا وقتها الي دايم تجي فيه مع عمها راشد ..

ركضت للدرج ونزلت عند الباب مشتاقه لجدتها الي لها اسبوعين ماجات بيتهم صحيح تشوفها وتقابلها لكن غير لما تكون في بيتهم ..جلست تناظر بالسياره الي كانت معطيتها العكس لان فيصل يبي يسلم عل العيال وبيروح وماكان باين للبندري الي يسوق وهي مافكرت انه فيصل لانها مو هاذي سيارته هذي السياره العاديه الي دايما يعطونها السواق ومستحيل امها حصه تركب معاه وقفت السياره ونزلت الجده حصه ومن شافتها البندري ركضت لجدتها تسلم عليها..



البندري/ شلونك يايمه عساك بخير..

الجده/ الحمدالله يالغاليه

البندري/ ولهت عليك يايمه كل هذا مابغيتي تجين..

الجده/ يمه ممداك تولهين امس انتي الليل مكلمتني

البندري/ بس اني اشوفك غير من دريت انك بتجين صحيت عشانك بدري وعشان اكون اول من سلم

تعالي معي داخل يالغاليه

دخلت الجده معها للصاله وهي طلعت تصحي سعود وتركي وهنادي كانت صاحيه ونواف قابلته يبي ينزل من اللفت الي مخصص له..

نزلت خذت المبخره وراحت للمجلس هي تحب عمها راشد كثير وهو ماقصر معا اعتبرها بنته من انولدت فحبت ترحب فيه وتهلي وهو دوم يستانس على طريقتها لما تهلي وترحب..

البندري وهي بتدخل للمجلس/ بعمي وحبيبي هلاوالله ببوفيصل سندي بهالد.....



الي بالمجلس مو عمها راشد هذا فيصل استحت هي تقريبا بنص المجلس لا وببجامه وهالشعر مفلول فشله من جد



اما فيصل ماعرف شيسوي نزل راسه تحت وتم يناظر بالارض اماهي فحطت المبخره الي معها على الطاوله الي بالوسط ومثل الريح طلعت

قابلت نواف في الطريق

نواف/ شفيك تركضين

البندري/ لا الغالي مافيني شي

نواف/ امي اليوم بتسوي عزيمه غدا عشان امي حصه دقي على بيت عبداللرحمن وانا بقول للفيصل

وهي بدق على خالتي مريم..

البندري/ ان شاء الله ترى فيصل بالمجلس

وركضت طلعت فوق ودقت على اصايل وعلمتها الي صار عاد اصايل ماصدقت خبر وجلست تضحك عليها وتقولها أحسن عشانك ظحكتي علي لما هالطعس كلمني وعلمتها عن العزومه وصكرت

راحت فتحت دولابها وجلست نص ساعه بالعدد تدور شي تلبسه من كثر الملابس مو لاقيه طفشت ودخلت تتسبح وبعد مانتهت لبست الروب ورجعت للدولاب.. اندق باب غرفتها عرفت انها اصايل كانت لابسه جلابيه سودا وفيها من تحت نقش بالفوشي الصارخ وعلى الاكمام ومن ورى على الظهر وكانت فاتحه شعرها الاسود الطويل كان شكلها روعه دخلتها .وسلمت عليها

البندري / اصايل مو عارفه وش البس..

اصايل/ وخري خلني أشوف

وجلست تقلب بالملابس وطلعت لها جلابيه عودي واطراف اكمامها منقوش بذهبي وكانت مخصره من فوق على الجسم ومن تحت واسعه ..

البندري/ اوكي أنا بلبس هذي ممكن تطلعين وتروحين أي غرفه عشان البس ..



طلعت اصايل بعد ماقالت للبندري انها ماتتاخر كانت غرفة خال البندري قبال غرفتها اما سعود بعدها بشوي ونواف جناحه بالزاويه والزاويه الثانيه غرفة ام نواف وجمبها غرفة هنادي دخلت اصايل غرفة تركي لان مافي احد من العيال ..



الغرفه كانت حوسه شوي والمفرش نصه طايح على الارض شكله توه صاحي ..

ولفت على الكمبيوتر جلست على الكرسي شافت صوره صغيره لتركي وانصدمت........



تركي حلو مره بس موهذا الي صدمها هي الي صدمها انه هذا الي امس كلمها يالفشله....

لفت بالكرسي تحاول تستوعب شافت له صوره كبيره على الجدار لاف فيها الشماغ بالطريقه الاماراتيه اسمر شوي بس يخبل ..



جلست مفتشله من عمرها وتكلم روحها بصوت عالي تلومها المفروض تسال في احد بالمجلس ولا لا؟ جلست على السرير تغني وتناظر الصوره..

دخلت عليها البندري عرفت انها موجوده فيها لان بابها مفتوح ..

البندري/ اصايل شتسوين..

اصايل لفت على البندري وشافتها / واووو طالعه حلوه ماشاء الله لو عندي ولد كان زوجتك اياها بس ياحسره..

البندري /ههههههه

اصايل / تدرين خالك مره حلو ..

البندري/ وانتي جالسه تناظرينه وتتاملين فيه بس لعلمك نواف اخوي احلى بكثير

اصايل/ من زمان عنه نسيت ملامحه بس بقزه اليوم وانا طالعه..

البندري/ههههههههه ماتتركين طبعك

اصايل باحراج/ ابد ابو طبيع مايترك طبعه بس تدرين من جد خالك مره رزه ويافشلتي طلع هو الي مكلمني امس..

البندري بخوف/ ادري...............

اصايل بعصبيه/ نعم نعم نعم تدرين انه هو ولا تقوليلي وانا امس اموت واعرف من هو ؟؟

البندري/ سوري بس قلت مصيرك بتعرفين ويله بس تاخرنا عليهم امشي ننزل لهم.

طلعوا من الغرفه بس الي ماكانوا يعرفونه ان تركي كان يتسبح بالحمام وكان يبي يطلع بس لما فتحت اصايل باب الغرفه وسمعها تتكلم وتغني ماحب يحرجها ويطلع وانتظر لين ماطلعوا بس طبعا سمع كلامهم وجلس يضحك على اصايل..

تسلم ايدك