قصة لاحلى توام

من طرف ???? الإثنين أبريل 19, 2010 6:48 am

يارب

الســـــــــــــــــــــــــــــــــــلام عليكم ورحمه الله وبركاته

واعده بنات قروبي أكتب قصه ولادتي يوم بفضى بس الصراحه ماعندي وقت أحك راسي

ألحين أكتب القصه وولدي على ريولي وأطبع بيد وحده
[ندعوك للتسجيل في المنتدى أو التعريف بنفسك لمعاينة هذه الصورة]

المهم

الحمد الله ربيت تاريخ 10/10
[ندعوك للتسجيل في المنتدى أو التعريف بنفسك لمعاينة هذه الصورة]
والحمد الله الحمد الله الحمد الله ربي رزقني بأحلى ولد وأحلى بنوته[ندعوك للتسجيل في المنتدى أو التعريف بنفسك لمعاينة هذه الصورة] ربي يخليهم ويحفظهم لي يارب

ربيت في آخر الشهر الثامن بقرار من الدكتوره لان كان فرق الوزن بينهم 800 جرام الولد كان ضعيف وماكانت المشيمه تغذيه اوكي وكان الحمل خطوره عليه

كنت رايحه موعدي تاريخ 9 فاجأجتني الدكتوره بالقرار انه باجر الفجر بتولدني وحجزتني في المستشفى
وأنا حضرتي ماجهزت أغراضي كامله من تعب الحمل وخوفي من الولاده كله كنت أأجله

حرمت اخوي يزاها الله خير جهزت كل اغراضي وراحت تشتريلي الناقص من السوق

ماكنت مصدقه اني باجر بشوف عيالي لاني بجر وماتخيل اني بشوفهم والصراحه كنت وايد خايفه واوسوس لان ولدي كان شوي تعبان في بطني وكان وزنه كيلو وماكنت عارفه كيف الوضع او متخيله كيف بيكون شكله وهوه صغير وبيني وبينكن كنت خايف ان يستويبه شي

الليله الي قبلها ما قدرت ارقد كنت احس بإحساس غريب كاني اول حرمه بتربي ماكن حد قبلي ربا او ياه عيال وان عيالي اول عيال بينولدون

إختلطت عندي مشاعر خوف وفرح وترقب يعني احساس غريب الصراحه ماينوصف وكنت خايف من العمليه بعد

تميت طول الليل ادعي ربي واستغفر واذكر الله عشان ارتاح
على كثر ما تمنيت اربي بسرعه من تعب الحمل على كثر ما تمنيت هذيج الليله انه تتأخر ولادتي لين اخلص التاسع

امي فدتيها كانت بايته عندي والخوف مبين في عيونها عليه وكانت تهديني وتحسسني ان الموضوع عادي ومافيه خوف

المهم مر الليل جنه سنه والساعه خمس الفجر دخلت على الممرضه لبستني لبس العمليات وحطت المغذي وريلي كان بايت في البيت لانه ماشي مكان عندي في الغرفه لان امي بايته عندي قالي اول ماتيج الدكتوره دقيلي

تريت والله لين الساعه 10 وهم قايليلي على الفجر بيسون العمليه بس طلعت غرفه العمليات مشغوله لان في حالات طارئه يت ع المستشفى

ياني دكتور التخدير عشان يخيرني بين النصفي والكامل وشرحلي مخاطر الاثنين بس قالي النصفي افضل للأجنه عشان ما يطلعون متخدرين فأخترت النصفي وكنت الصراحه وايد خايفه بس كلام الدكتور وايد شجعني على النصفي وامي بعد بعد ماسمعت كلام الدكتور قالتلي توكلي على الله وسوي النصفي
فوافقت ووقعت على الاوراق

وطااااااااااااااااااااااال الانتظار للعمليه الصراحه على اخر شي كنت اتمنى الوقت يخطف بسرعه وويودوني على غرفه العمليات لاني خلاص من كثر التوتر والحفوز ضقت كان عندي ريلي واخواني يسولفون على عشان يخف التوتر والخوف

ووقت صلاة الجمعه راحو المسيد يصلون وامي كانت تصلي في الغرفه جان ايوني من غرفه العمليات ويشلوني امي فديتها قطعت صلاتها ولحقتني لين غرفه العمليات عاد انا اول ما دخلت غرفه العمليات صدق صدق تروعت وقمت اتنافض شكل الغرفه يخوف والستاف الي فيها يخوف بعد كان قروب التخدير وكان فيه قروب من العنايه المركزه لحدثي الولاده عشان يشلون البيبيات وقروب العمليه ودكتورتين الي هيه دكتورتي ودكتوره ثانيه معاها يعني فوف 15 نفر في غرفه العمليات شي يخوف وغير المقصات وموس الجراحه واشياء وايد تخوف وعشرين واير وواير

ويوم يا وقت التخدير النصفي ياني بليس وقالي والله الدكتور بيغلط في الابره وبتنشلين جان اقول الدكتور خدرني كامل تم يضحك قال لا تخافين هذا افضل واريح من الكامل سمي بسم الله وتوكلي على الله وفكري في عيالج عشان يطلعون بنشاط مب متخدرين

بس الصراحه ما توقعت التخدير النصفي جيه سهل وسريع ومريح بعد ماندمت ابدن اني سويته

سبحان الله صح ماكنت اقدر احرك ريولي ونصفي التحتاني بس كنت احس بيدين الممرضات يوم كانن ينظفن بطني

المهم حطو الستاره بيني وبين مكان العمليه وحطولي جهاز الضغط ومغذي بديت شوي اهدا من النفضه تعودت شوي على شكل غرفه العمليات وكانت الدكتوره تكملني وتضحك معاي وتهديني

كنت اتحراهم بعدهم ينظفون بطني ماحسيت الا بصوت اول بيبي يصيح (البنوته) جان أتفاجأ ما توقعت انهم سو العمليه بهالسرعه جان ابقق عيوني واصيح معاها (الصراحه) شعوووووووووووووووووور لايوصف ماعرف شو يايني تميت اصيح من الفرحه والخوف وشوي ولا اسمع صوت صياح ثاني صوت (ولدي ) فديته وكملت صياحي معاه شوي وانهم لافين بنتي في فوطه ويايبينها صوبي جان احبها وشوييايبن الولد واعطيه بوسه بس كان وااااااااااااااااااااااااااااااااااااااااااااااااي د صغير من صغره خفت

بسرعه طلعوهم من غرفه العمليات وودوهم العنايه المركزه وكان ريلي يترياهم برا وراح معاهم لين العنايه

بعدها ارتحت راحه مابعدها راحه تميت احمد ربي واشكره على صحه عيالي وتميت ادعي ان الله يجعلهم من الصالحين

شوي طولت الدكتوره تخيط الجراحه وانا مستانه واحس اني خفيفه ومرتاحه وفرحانه وطلعت من غرفه العمليات لغرفه الافاقه تريت فيها لين خف التخدير وحركت ريولي ريلي كان عندي في غرفه الافاقه وويهه ميت لون ولون فرحه وخوف ومشاعر يديده عليه المهم طلعوني غرفتي الا وامي وخواني يتريوني وكلهم كانو خايفين والخوف مبين في عيونهم بس استانسو يوم شافوني بخير وباركلولي وتحمدولي بالسلامه

وهذي قصه ولادتي

بعد يومين شفتهم بعد ما قدرت اتحرك رحت العنايه وشفتهم فديتهم كانو حاطينهم في الشيشه

بنتي كملت اسبوعين وطلعوها وولدي كمل شهر وطلعوووووووووووه

وماخبركم عن التعب الحمد الله والشكر خصوصاً انهم خدج يبالهم عنايه اكثر بس الصراحه يوم احظنهم انسى التعب كله

بنات اريد دعوه حلوه بظهر الغيب انه يحفظلي عيالي من كل شر ويجعلهم من الصالحين ويارب يرزق كل من تتمنى توأم حمل قريب بتوأم ان شاء لله

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
اللهم اني أعيذ أطفالي وجنيني بكلماتك التامه من كل شيطان وهامه ومن كل عين لامه

من طرف **alin** الإثنين أبريل 19, 2010 8:18 am

يعطيــــك العافيــــه على المجهـــود
شـكــ وبارك الله فيك ـــرا لك ... لك مني أجمل تحية .

123

من طرف ???? الإثنين أبريل 19, 2010 8:22 am

ميرسى لزوقك حبيبتى
منورة الموضوع
والصفحة

دوير المليحة العــــــــــــــــــام

يوميــــــــــــــــات المنتــــــــــــــــــــــدى

ألغاز و مســـــــــــــــــــابقات

بلـــــــــــــــدي وبلـــــــــــــــــدك

شـــــــــــــــــــــــــــعر و أدب

ركــــــــــــــــــــــــن الأديان

ركــــــــــــن الأســـــــــرة

الزاوية النسائية

ركـــــــــــــــــــــــــن الفــــــــــــــــــــــــــــن

القســـــــــــــــــــــــم الترفيهـــــــــــــــــــــــــــي

ركــــــــــــــن المعلوماتــــــــــــــــــــــــية

المنتـــــــــــدى الطبـــــــــــــــــــــي

توصـــــــــــــــــيات وشـــــــــــــــــكاوي