كورس تعليم العضوات الدفاع عن نفسها ضد الذئاب البشرية

من طرف **miss_egypt** الأربعاء أبريل 21, 2010 9:54 pm

أختى فى الله

لا تخلو جريدة أو موقع من حادثة اغتصاب او تحرش بانثى ووجدتني اتساءل

أزاى ادافع عن نفسي لو اتعرضت لمعاكسة او تحرش؟

أزاى اوقف اللى قدامي عند حده؟

وقمت بسؤال بعض الصديقات والاخوات عن رد فعلهن فى اى موقف من المواقف اللى تعرضن لها وجمعت كام فكرة حلوة وسهلة التنفيذ

وفى الاخر قلت أجمعهم فى موضوع واحد عشان نقدر نستفاد منها كلنا عشان - لاقدر الله - اذا واجهتي موقف زي دة تعرفي كويس ازاى تتصرفي

باتمنى الأفكار تعجبكم

وياريت يا شباب وبنات لو حد عنده فكرة جديدة ميبخلش بيها علينا

لان ممكن فكرة واحدة تنقذ اخت ليك من الموت او من الفضيحة

ربنا يسترنا جميعا ويحفظنا من كل مكروه وسوء

اهم طرق الدفاع عن النفس ضد المتحرشين

أولا: الوقاية خير من العلاج

يعنى ايه؟

لو راكبة مواصلة :
* متقعديش جنب السواق
* متقعديش جنب اى راجل سواء كبير او عيل
* متتكلميش خالص ولا تحاولى تردي على حد لو سالك عن اى حاجة ( هاتقوليلي ازاى يعنى؟ هارد عليكي واقولك فى مليون واحد راكب معاكي اشمعنى بيسالك انتى؟)
* لو موبايلك رن اتكلمي بصوت واطي او اجلى المكالمة لحد ما توصلى للمكان اللى انتى عوزاه

وصلتى بسلامة الله للمكان اللى انتى عوزاه؟
- لو مشوارك للدكتور متروحيش لوحدك ومتحاوليش تدخلى حجرة الكشف لوحدك
- عندك درس خصوصي عرفي اهلك مكان الدرس + متقعديش جنب المدرس + لو الدرس فيه بنات وشباب متقعديش جنب زميلك خالص

مرحلة المواجهة

1- لو راكبة مواصلة :

قدامك كذا حل ممكن تنفذيهم
( بصة قوية فيها تهديد - كلمة جامدة - غيري مكانك - قولي للسواق او حد من الركاب - اخبطيه باى حاجة معاكي حتى لو كانت شنطتك - اديله قلم محترم - اخلعي دبوس الطرحة وشكيه - اخلعي الجذمة وعلى ام دماغه )

2- ماشية فى الشارع

دي بقى لها حلول من هنا للسنة الجاية

* ممكن تصوتي ( ترقعي بالصوت) وتلمي الناس حواليكي لحد ما ياخد علقة يحلف بيها طول عمره

* لو بتعرفي كام حركة كاراتيه - كونغ فو جربيها فيه

* بالشوز واضربيه تحت الحزام

* سمعت عن جهاز صاعق كهربي - هو غالي شوية - بس فعال

* اسبراي بيترش على العين بيسبب عمي مؤقت

* امسكي شوية تراب وارميه فى وشه

وطبعا فى طرق تانية كتير بس هاسيب الاعضاء والعضوات يقولولنا عليها

وفى النهاية احب اقول لكل عضوة " اتقي الله فى نفسك - حافظي على نفسك والبسي محترم عشان ربنا يحفظك - اتقي الله فى مكياجك ( يعنى جمالك الطبيعي احلة مليون مرة من الالوان اللى باتلغبطي بيها وشك) "

ولكل عضو اقوله " اتقي الله فى اختك واتاكد ان اللى بتعمله النهاردة هايتعمل فى امك أو اختك او زوجتك أو بنتك "

اتمنى الموضوع يفيدكم

وبادعيلكم من كل قلبي

ربنا يحفظكم ويسترك يا اخواتى وحبيباتي فى الله