اشياء فى حياتى

من طرف ???? الجمعة مايو 07, 2010 2:56 am

[ندعوك للتسجيل في المنتدى أو التعريف بنفسك لمعاينة هذه الصورة]

جالي سؤال من انوسه حبيبتي

عن اصدق عشر اشياء في حياتي

اولا بجد ياانوسه انت من اصدق الناس

الي بحب اتعامل معاهم اوي

وبجد ربنا يكرمك يارب

باحسن حاجه في العالم كله

واما بالنسبه لاجابه السؤال:

اولا:اسلامي وايماني برب الكون كله

وحبي لاحن واطيب شخص في الكون كله

سيدنامحمد صلي الله عليه وسلم

ثانيا:بحب اكون جدعه اوي مع اصحابي

او مع اي حد يطلب مني اي حاجه بس لازم اعملها

حتي لو علي حساب مصلحتي بس لازم اكون

قد كلمتي وانفذها

ثالثا:بحب دايما تكون مواعيدي مظبوطه اوي

وبتغاظ اوي لما حد يتاخر عن ميعاد

ود اكتر حاجه تغظني اوي

رابعا:مبحبش حد يكون تنك في تعامله معايا ولوحسيت ان حد

بيتعامل معايا كده غصب عني بتنك عليه

بس بحس ان هو ده الي ستحقه

خامسا:مبحبش الرغي الكتير

وانتوا عارفين ان البنات يموتوا في الرغي

فلو صحباتي كلموني كتير ببعد السماعه واعمل اي حاجه

وارجع تاني اكمل المكالمه عادي ولا كان حاجه حصلت

سادسا:عصبيه لدرجه تخليني انا اساسا بتخنق من نفسي

بس طبعا بعد 3 دقايق بالظبط بهدي خااااالص

وانسي اصلا ايه الي كأن مضايقني

سابعا:حساسه اوي لاي كلمه ممكن تتقالي

وده بيخليني ازعل من الناس بسرعه

لان اقل كلمه ممكن تاثر فيا اوي

ثامنا:دايما دموعي قريبه سواء في حزن او في فرح

يعني ممكن اكون سعيده اوي وبرضه عيوني تدمع

تاسعا:بخاف اوي من الفراق واخر يوم في الجامعه

فضلت اعيط علي فراق صحباتي

كاني هموت ومش هشوفهم اوي

بس فعلا لفظ فراق ممكن يكسرني

ربنا مايبعدني عن اي حد بحبه يارب

عاشرا:اوقات كتير بكون هاديه اوي جدا

واقات تانيه بكون مجنونه اوي

ولحد الان معرفش فعلا

اذا كنت شخصيه هاديه او مجنونه

ماعلينا المهم بقي يارب مااكون طولت عليكوا

ويارب دايما كده اعرف عنكوا اخبار حلوه

وكل سنه وانتوا طيبين

والسؤال ده زي ماجالي من واحده بحبها اوي

انا كمان هبعتهم لناس بحبهم اوي