نكت قديمه

************************
واحده ست مسكت حرامى فى المطبخ
فقالت لابنها روح إنده ابوك من على القهوة
جه ابوه، ولما فتح المطبخ لقي الحرامي صغيّر فقال له انت اسمك ايه؟
قالوا كريم ،فقعد يضرب فيه لحد ما عجنه
تاني يوم الست بتفتح باب المطبخ لقيت حرامي
قالت لابنها روح يا وله نادي ابوك من على القهوة
جه الراجل ولما دخل المطبخ لقي واحد طول بعرض
بص لمراته وقال لها امال فين كريم ؟
مرة واحد بلدياتنا وقع فى حفرة نزلولوا حبل طلع مخنوق


واحد أخنف حظه وحش قوي
وقع في حفره
و فضل مستني لغاية ماواحد جه
و على حظه كان أخنف برضه
الأخنف اللي فوق قال ... استنى شوية .. حاطنّنعك دنوأتي
قاله نببنا يخننيك بسنعة .. قال له
و كمان بتتنيأ ؟؟؟
طب شوف مين حيطننعكّ

مرة واحد صعيدى وقع من الدور العاشر شنبه اتجزع

سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ

مرة اتنين صعايدة واحد منهم معاة قفة فقال للتانى لو جولتلى الجفة دية فيها اية حديلك منها بلحتين
قالة هع --نخلة

مرة واحد مش عايز يزعل صاحبة الصعيدى لكن عايز يقولة نكتة
فقالة مرة واحد اسكندرانى ففرح اوى لكن كمل النكتة وقالة
كان مربى واحد صعيدى فوق السطوح

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامامي هقولك أنت

كان في واحد شكله وحش قوي قوي قوي عايز يتجوز فراح واتقدم لوحده فبقول لابوها :انا يا عمي بلا فخر عملت نفسي بنفسي. فقاله الأب : ما انا برده بقول استحاله تكون خلقه ربنا

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد
فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم فقال لهم : ماتجوش الجمعة الجايـــة

مرة واحد احول بيعاكس واحدة حولة قالها والله انتم التلاتة احلى من بعض
قالتلة والله و انتم شباب قلالاة الادب


اتنين صعايدة قاعدين على القهوة
الاول : دش
التانى:جهار يك
الاول :دش
التانى:جهار يك
صاحب القهوة قال للصبى :روح شيل الشطرنج من قدامهم
مرة واحد قاعد على القهوة زعلان وقدامه كباية شاى راح جاى واحد فتوة ومفترى شرب الشاى وقاله ايه تقدر تعمل حاجة راح الراجل قعد يعيط راح الراجل المفترى قاله كل ده عشان كباية شاى قاله اصل انهارده الدنيا ملطشة معايا قمت من النوم المية مقطوعة وصاحب البيت عايز الايجار والموتسكل بتاع الشغل اتسرق واطردت من الشغل حتى كباية الشاى اللى حطيت فيها السم جيت انت وشربتها