تفاهة رنتك .. باسم حضرتك

من طرف **صلاح** الأربعاء مايو 26, 2010 11:26 pm

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]تفاهة رنتك ..... باسم حضرتك

بستفز أوي من الاعلانات بتاعت رنتك باسم حضرتك

ابعث رسالة باسم حضرتك علي 4862 توصلك رسالة باسم حضرتك

قمة في الاستفزاز

يعني ايه الموبايل بتاعي يرن يقعد يقولي يا محمد يا محمد مثلا

وبعدين يعني هكسب ايه أما ادفعلي 6 جنيه ونص في رنة لو جبت عيل من الشارع يغنيلي يا محمد يا محمد

وهوة آخره جنيه وهيجيب لك أسامي العيلة كلها

طب لو قلنا اتبرع ب6. جنيه دول للأسر المتضررة من أحداث الدويقة ولا الناس اللي بايتة في الشارع في عشش

تخيل كام تافه هيبقي موش تافه وينفع أخ مصري أو مسلم ليه

[ندعوك للتسجيل في المنتدى أو التعريف بنفسك لمعاينة هذه الصورة]

نيجي علي حاجة تانية مستفزة اكتر واكتر

عاوز تصحي من النوم علي موسيقي هادية ولا علي موسيقي مزعجة ولا علي المنبه اللكاك عشان تقوم نشيط

للدرجة دي أصبحنا أمة تافهة ؟

خلاص مش عارفين نودي فلوسنا فين؟

[ندعوك للتسجيل في المنتدى أو التعريف بنفسك لمعاينة هذه الصورة]

طيب قول مسابقات 0900 يمكن كام تافه يتصل عشان يكسب ألف جنيه ولا عشان يكسب عربية

لكن انك تصحي من النوم علي صوت موسيقي مزعجة

عندك الشوارع شوفلك أي بياع واقف جنبه وسجل وانتا تصحي واهو تنفعه باتنين كيلو موز ولا فراولة

مش عاوز أطول بس لحد امتي هنفضل تافهيين وبنفكر في الحاجات التافهة ؟؟

امتي بقي هنعرف بنعمل ايه لربنا

[ندعوك للتسجيل في المنتدى أو التعريف بنفسك لمعاينة هذه الصورة]

انا لله